قەیران لە هاوکێشەکانى هەڕەشەو دەرفەتدا!
12/27/2020 2:13:00 PM
631 جار خوێندراوەتەوە
ئەحمەد حەمە ساڵح
لە
دەستپێکدا بۆ پێناسەیەکى گشتگیر و شرۆڤەیەکى زانستیانە و تێگەیشتنێکى مرۆڤویستانە
و دۆزینەوەى ڕیگە چارەسەریە نیشتیمانیەکان، لە وتەى بیرمەندێکى ناودارى جیهانیەوە
دەچینە نێو کرۆکى بابەتەکەمان.
واینێر: دەڵێت (قەیران ئاکامێکی گرنگی بەدواوەیە، کە کار لەسەر
پەیوەندیی هاوکێشەکان دەکات.) لە دۆخە قەیراناویەکاندا وێرانکاری و بێمتمانەیى
بەخێرایى سەر هەڵدەدات،هاوکێشەکان لە نێو تونێلە تاریک و ترسناکەکاندا دەکەونە ناو
بازنە داخراوەکانى ململانێ ئاڵوزەکانەوە.
لەگەڵ ئەوەى ناوەڕۆکى قەیران لە مەترسى و دەرفەت پێک دێت،پێویستە
ئەوە بڵێین کە بەدرێژایى مێژوو لەلاى ئێمە دەرفەتەکان بۆ بەرژەوەندیە سالارێتیە
حیزبیەکان ،و کۆى مەترسیەکانیش بۆ سەر خاک و خەڵکەکەى بووە،بۆیە لێرەدا لە خەمى نیشتیمان و هەرێمێکى کەرت و
گەلێکى بەژموردەوە،لە ئازارى
شکاندنى شکۆى خاک و خەڵکەوە تەنها لە مەترسیەکانى قەیران دەدوێین.
قه‌یران دۆخێکە لە دەرئەنجامى کێشە چارەسەرنەکراوەکانەوە دێتە
کایەوە وکەڵەکە دەبن،یان ئەوەتا لە هاوکێشەیەکى دەرەکیدا بە هۆى لاوازیی ناوخۆوە
ڕودەدات، بە هەر هۆکارێک بێت مانەوە و کەڵکەبوونى قەیرانەکان گه‌یشتنە به ڕەوشێکى
تەواو شێواو وئاڵۆز کە رێگه‌ی ده‌ربازبوون ته‌واو به‌رته‌سك دەکاتەوە.
لە
ئیمڕۆدا هەر وەک ڕابردوومان، کۆى قەیرانەکان ،ئەو قسەو باسە گەرمانەى ڕۆژن، کەسیاسیەکان،
ئابوریناسان، کارناسان، پسپۆران و شارەزایان و کۆى کیرۆدەبوان،لەم کۆمەڵگە
هەژارکەوتوەماندا، بەردەوام لێدوانى لە سەردەدەن،قەیرانە
ناوخۆیەکانمان بە شێوازێک تووشى شپرزەیى سیاسى،کۆمەڵایەتى،ئابورى وکارگێڕى
کردوین،کە لەگەڵ زانینى کاریگەرى قەیرانە سیاسى و ئابوریە ناوچەیى و
جیهانیەکانیشدا،کەمترین ئامادەیى هەیە بۆ قسە لەسەر ئەو کاریگەریە دەرەکییانە،وا
نزیک بە سى ساڵ لە تەمەنى حوکمڕانیمانە و ڕۆژ نییە گوێمان ،چاومان، دڵمان، بیرۆهۆشمان
بە قەیرانە ئابوورى ،سیاسى ، یاسایى و نەبوونىکۆى خۆشگوزەرانیەکان ڕوون نەبێت، لە
تەلەفزیۆن و ڕادیۆ و ڕۆژنامەکان و دیوەخان و شوێنە ئاینیەکان و لەپارک و
سەیرانگەکان و لە ناو تەکسی وپاص و لە بازاڕ و فەرمانگەکان و بارەگای حیزبەکانیش
بەردەوام قسە و باس لە مەڕ قەیرانەکانە، لێرە و لەوێ بە سەدان پێناسە و ڕاڤەی بۆ
دەکرێت و لە ڕەوشێکى ناشایستەو نەشیاودا کورد وتەنی:(هەرکە سە بۆ لەیلاى خۆی
گۆرانی دەبێژێت)،ساڵانێکە لە بازنەى خۆنواندنە سالارێتیەحیزبیەکان و ڕەوشى مەمرەو
مەژى گەلدا، ئەوەندە وتراو نەبیسترا، ئەم وشە هەژارە بۆ خۆی لە نێوان هۆکارەکانى
خوڵقاندن و کاریگەریەکان و چارەسەریەکاندا واقی وڕماوە،چونکە لەگەڵ ئازار و
نەهامەتیەکاندا،لەوێستگە جیاوازە دژ بەیەکەکانى هەژاربوونى کۆمەڵگا و سالارێتى
سیاسیە بازرگانەکانەوە، بەپێی کاریگەریەوێستراو نەویستراوەکان لە قاڵپ دەدرێت !
قەیران نەک بە تەنها هەڕەشەیە،بەڵکو دەرفەتێکیشە بۆ ڕاستکردنەوەى
هەڵە سیاسیەکان و لارییە کارگێڕیەکان،ئەم بیرخستنەوەیە بۆ هەموان و تایبەتتر بۆ
حیزبە سیاسیەکان و حکومەت و ڕێکخراوەکانى کۆمەڵگەى مەدەنیە،تا لە خۆیان
بپرسن،ئایا تا چ ئاستێک زانیارى و
شارەزاییان لەدۆخە قەیراناویەکاندا هەیە و ناوەڕۆک و هۆکار و کاریگەرى هەر یەک لە
قەیرانەیەک لەدواى یەکەکان چۆن پێناسە دەکەن ؟
بۆ
گەیشتن بەڕێگا چارەسەریەکان،پێویستە لە سەر هەردوو لایەنى (هەڕەشە ودەرفەت) ئەوەش
بڵێینکە قەیران هەڵگری کۆمەڵێک کاریگەرى وتایبەتمەندییە،کە سیاسیە ڕۆشن فکرە
نیشتیمانیەکان دەخاتە قۆناغێکی هەستیاری سیاسی و بەڕێوەبردنەوە،لە بوون و
کارابوونى ڕۆشنبیریەتى نیشتیمانیەوە ئەرک و دەوری سیاسیەکان لە دۆخە
قەیراناویەکاندا چەندقات هەستیارتر و بەرپرسیارانەتر دەبێت،کە دوور لە
چەواشەکاریەکان و بۆیاخکاریەکان و
خۆبەپاڵەوانکردن،هەموان بە جیاوازیەکانەوە لە پێناو ڕاستکردنەوەدا دان بە هەڵەکانىخۆیان
و دواتر ئەوانى تردا بنێن،چونکە دانان بە هەڵە سیاسى و ئیدارى و ئابوریەکان
سەرەتایى دۆزینەوەى ڕێگا ونکراوەکانە،دواتر لە بیروروژاندن وخوێندنەوەیەکى ئەقڵانى و بەرهەمداردا،کە لە ژێر چەترى فکرە
نیشتیمانیەکاندا بێت، نائومێدیەکان دەگۆڕترێن بە ئومێد بەخشى نیشتیمانى .