ئەمڕۆ نا سبەی!!
6/19/2025 3:39:00 PM
چۆمان محەمەد
ئەمرۆ..نا سبەی
بە دەرونی فەرمانبەرانی کوردستانەوە بۆ دەستلەكاركێشانەوەی ئەندامانی دادگای فیدرالی...
دوای نوسراوەكەی
تەیف سامی و راگرتنی ناردنی موچە، داوایەك لەدادگای فیدراڵی تۆماركراوەو داوای فەرمان
سالاریەكیش كراوە، پاش ئەوەی لە۲٠۲٥/٦/۱ بەیاننامەی بڵاوكردۆتەوە كە لەنزیكترین
كاتدا وەڵام دەدەنەوە.
۱۹ رۆژ تێپەریوە تا ئێستا ئەم داواكاری فەرمان
سالاریە وەڵامی نەداوەتەوە، پاساوەكان هەرچی بێت ناگاتە ئەوەی داواكاریەكی گرنگی
وا ئیهمال بكرێت، بانگەشەی ئەوە كرا ئەمرۆ فەرمان سالاری دەربچێت، لەبری ئەوە نامەی
دەست لەكاركێشانەوەی شەش دادوەری دادگای فیدرالیمان بیست گوایە پەیوەندی بە (كەیسی
خۆر عەبدوڵا)وە هەیە كە پرسێكی ئاوی نێوان عێراق وكوەیتە.
هۆكارەكەی هەرچیبێت
ئەمە پێشهاتێكی نوێی مەترسیدارەو شتی تری بەدوادا دێت، بۆ زانیاری هەموو لایەك لەئێستاوە
تا كۆتایی مانگ تەنها دوو رۆژ دادبینی دادگای فیدرالی تیایە كە (۲٤و ۲٥) ی ئەم مانگی شەشە نازانین ئاخۆ كەیی
كۆ دەبنەوەوچۆن مامەلە لەگەل ئەم دەستلەكاركێشانەوانە دەكەن قبولكردنیان كێشە بۆ موچەوهەڵبژاردن وزۆر پرسی
تر دێنێتە ئاراوە!.
بەڵام ئەوەی مایەیی
سەرنجە خەڵكانێك لە حیزبەكان وهەندێك لەپەرلەمانتارانی هەرێم وبەغداد، بگرە دامەزراوەی
میدیای ومیدیاكاریش، بەردەوام هەواڵ بڵاودەكەنەوە وئەمرۆ ونا سبەی دەكەن بەفەرمانبەران
وخانەنشینان گوایە دادگای فیدرالی بڕیار دەدات، بەبێ ئەوەی بزانن دادگای فیدراڵی چۆن
كار دەكات وململانێی سیاسیەكانی هەرێم وبەغدادو ناوچەك چۆن ئەم دۆخە یەكلا دەكاتەوە.
بەراستی دەرونی
فەرمانبەران وخانەنشینان زۆر هیلاكەو بێ ئومێدن، ناكرێت لەپێناوی لایك و كۆمێنت
وململانێی سیاسی زانیاری ناراست بڵاوبكەنەوە، هیوای موزەیەف بۆ خەڵك دروست بكەن، دۆخە
بەرەو ئالۆزبونێك دەروا پێویستە هەرێمی كوردستان بەوردی تەكبیر بۆ حاڵی فەرمانبەران
وخانەنشینانی بكات...