ئەمڕۆ رۆژی جیهانی نا بۆ توندوتیژیە
10/2/2023 4:42:00 PM
عەلی شەریف
مێژووی ٢ی ئۆکتۆبەر و سێ چیرۆک ؛
* - مهاتما غاندی و فەلسەفەی نا بۆ توندوتیژی .
* ـ چیرۆکی دەمانجەی گرێدراو .
*ـ نەتەوە یەکگرتوەکان و رۆژی جیهانی نا بۆ توندوتیژی .
١- چیرۆکی مهاتما غاندی ؛
٢ی ئۆکتۆبەر ؛ ٢-١٩-١٨٩٦
رۆژی لەدایک بونی مهاتما غاندیە ، خاوەنی فەلسەفە و ستراتیژی “ نا بۆ توندوتیژی “ یە .
غاندی وتویەتی ؛ ( هەژاری خراپترین جۆری توندوتیژیە ) ، هەروەها بەلای مهاتما غاندیەوە ؛ ( ناتوندوتیژی و ئاشتی چەکی بە هێزەکانە )..
مهاتما غاندی لە ٣١ی کانونی دووەمی ١٩٤٨ لەسەر دەستی ئەندامێکی توندرەوی (رێکخراوی خۆبەخشی نیشتیمانی ) کە سەرچاوەی ئایدۆلۆژی ( پارتی بهاراتیا جاناتا دەسەلاتدارە لە هندستان )بەناوی « نوثرام غودسی » تیرۆر کرا .
٢- چیرۆکی دەمانچەی لولەگرێدراو ؛
کارل فریدرک نوسەرو هونەرمەند بەهۆی تیرۆکردنی گۆرانی بیژ« جۆن لینۆن » کە هاوڕێیەکی زۆر خۆشە ویستی بوە ، بۆ دەربرینی نارەزایەتی و دژی توندوتیژی لە ساڵی ١٩٨٠ زاینی هەستا بە دانانی نەحتی دەمانجەیەکی لولە گرێدراو لەبەردەم خانوەکەی خۆیدا .
٣- حکومەتی لۆکسمبۆرگ لەساڵی ١٩٨٨ ئەو نەحتی دەمانچە لولە گرێدراوەی لە هونەرمەند “ کارل فریدرک “ کڕی و وەک خەڵاتێک پێشکەش بە نەتەوە یەکگرتوەکانی کرد .
نەتەوەیەکگرتوەکانیش وەک رێزیک لە هەوڵ و کۆش و خەباتی ئاشتیانەی ماهاتماغاندی نەحتەکەی لە مەیدانی ناو تەلاری نەتەوە یەکگرتوەکان دانا و لە کۆبونەوەیەکی تایبەتی خۆیدا بۆ بەرز راگرتنی روحی ئاشتیخوازانەی غاندی و رەمزی خەباتی ئاشتیانە و ستراتیژی نا بۆ توندوتیژی بە بڕیاری ٦١/٢٧١ لە بەرواری لە ١٥ ی حوزەیرانی ٢٠٠٧ دا بڕیاری دا رۆژی ٢ی تشرینی یەکەمی هەموو ساڵیک بکات بە رۆژی جیهانی بەگژدا هاتنەوەی توندوتیژی و نا بۆ توندوتیژی