ئەوەی لە ئێستادا پێویستە کورد بیکات
1/20/2026 7:09:00 PM
بڵند دلێر شاوەیس
ڕووداوەکان خێران و مەترسییەکانی سەر کورد زۆرن،
بێ دەنگی و تێپەڕبوونی کات لە بەرژەوەندیمان نییە، پێویستمان بە هەڵوێستی یەکگرتووی
کوردە، ئەوەی لە ئێستادا کاریگەری دەبێت بۆ بەرپەرچدانەوەی مەترسییەکان بریتین له:
١- کورد
پێویستی بە (مرجع)ە، هیچ گەلێک لە جیهاندا بێ گەورە نەبووە و نابێت، کۆبوونەوە هێز
و لایەنە سیاسییەکانی هەرچوار پارچەی کوردستان لە دەوری سەرۆک (بارزانی) پێویستە و
ئاڕاستەکردنی پەیامێک بۆ کۆمەڵگەی نێودەوڵەتی و نەتەوە یەکگرتووەکان سەبارەت بە هەڵوێست
وەرگرتن بەرامبەر بە تاوانی جینۆساید دژ بە گەلی کورد لە سوریا.
٢- بەڕێز(عەبدوڵڵا
ئۆجەلان) بڕیاری هەڵپەساردنی دانوستان و گفتوگۆ لەگەڵ دەوڵەتی تورکیا ڕابگەیەنێت.
٣- پارتی
کرێکارانی کوردستان(pkk) بڕیاری هەڵوەشاندنەوەی خۆی و دەستبەرداربوونی خەباتی چەکداری هەڵپەسێرێت.
٤- سەرۆکی
هەرێمی کوردستان بەڕێز (نێچیرڤان بارزانی) پێگە و پەیوەندییە فراوانەکانی بەکار بهێنێت
بۆ یەکخستنی نێو ماڵی کورد لە هەرێم و هەماهەنگی کردن بۆ بەرپەرچدانەوەی مەترسییەکان
لەسەر کوردانی ڕۆژ ئاوا.
٥- سەرۆکی
حکومەتی هەرێمی کوردستان بەڕێز (مەسرور بارزانی) سود لە بەشداریکردنی لە کۆڕبەندی
ئابووری داڤۆس وەرگرێت بۆ پشتیوانی دۆخی کورد لە ڕۆژ ئاوا.
٦- سەندیکا
و ڕێکخراوە مەدەنییەکان پەیامێکی هاوبەش بدەن بە نەتەوە یەکگرتووەکان و کۆمەڵگەی نێودەوڵەتی بۆ پشتیوانی کردن لە مافی گەلی
کورد لە سوریا و بەرپەرچدانەوەی هێرشی تیرۆریستانی (جۆلانی) کە بە ناوی دەوڵەتەوە
پرۆسەیەکی ڕێکخراو ئەنجام دەدەن بۆ جینۆساید کردنی کورد لە سوریا.
٧- گردبوونەوەی
جەماوەری لە هەر چوار پارچەی کوردستان بۆ پشتیوانی کردنی ڕۆژ ئاوا.
٨- گردبوونەوەی
ڕەوەندی کوردی لە ئەوروپا و ئەمریکا بۆ پشتیوانی لە خەباتی گەلی کورد لە ڕۆژ ئاوا.