مارکێتین و تەڵەی نەزاهە بۆ عەلی حەمەساڵح
6/13/2026 12:25:00 PM
بەختیار نامیق
بۆ پێکهێنانی حکومەت و کاراکردنەوەی پەرلەمان
، جگە لە کارتی هێزی دەوڵەتانی هەرێمی کە وەک سەقفێک ڕێککەوتنیان هەیە ، لەژێر سەقفەکەدا
یاری جواروجۆر هەیە ، یەکێتی و پارتی دنیایەک
یاری و سیناریۆ لە نێوانیاندا هەیە ، لە ئێستادا یەکێتی هەوڵی هاوسەنگی هێز دەدات
بۆ گەڕانەوە بۆ ڕێککەوتننامەی ستراتیژی ، ڕێککەوتنی لەگەڵ نەوەی نوێ سەرەتای ئەم گەڕانەوەیە
بو ، یەکێتی سەرکەوتنێکی گەورەی بۆ خۆی مسۆگەرکرد
، واتا ئەگەر دوای گۆڕان نەوەی نوێ سیناریۆی خۆیان بو بێت ، ئەوا ئێستا پارتی دەیەوێ
وەک ساڵانی تر هەمو جومگە سەرەکییەکانی حکومەت و پەرلەمان و دادوەری لای خۆیان بێت
و ڕازی نین بە گەڕانەوە بۆ پەنجا بە پەنجا بۆیە ئەویش دەست بۆ سازدانی سیناریۆ دەبات.
ئەوە دەزانین ئەگەر هەڵبژاردنی تر بکرێتەوە
یان کاتێکی تر بکرێت ، نەوەی نوێ بنکەی جەماوەری لەدەستداوە و دەنگەکانی تەواو کەمدەبێتەوە
، ئەم دەنگانە دەنگی بازنەی دەرەوەی یەکێتی و پارتییە ، واتا یەکێتی دەنگدەرێکی تایبەتی
هەیە ، پارتی بەهەمان شێوە ، بازنەی سێهەم دەنگدەرێکن جوڵە دەکات و جێگر نیە ،
دواجار ئەم بازنەی سێهەمە ئاراستەی هێز دیاری دەکات ، ئەم دەنگدەرە ئێستە زۆرینەی ڕوو
لە هەڵوێست و عەلی حەمەساڵح و هاوڕێکانیەتی .
لە ئێستادا کە لیژنەی نەزاهە بڕیاری دژ
بە گەندەڵی دەدات مارکێتینێک و تەڵەیەک دەخاتە بەردەم عەلی حەمەساڵح و هاوڕێکانی ،
واتا سیناریۆیەک لە پشتی ئەم هەڵمەتی ڤەلاچۆکردنی گەندەڵییە هەیە ، کە هەر سەرانی
هەرەمی سەرەوەی دەستەڵات دایان ڕشتوە ، دەستەڵات خۆیان باش دەزانن کە دوو ئیدارەییە
و دوو دادگاییە و دەزانن کەس ناتوانێ ڕوبەڕوی هەندێ پرسی ئابوری بێتەوە کە پڕە لە
گەندەڵی ، گەندەڵی لە لوتکەی دەستەڵاتی هەردوو
زۆنەکەدایە ، ئیتر ئەگەر سیناریۆ و شتێکی لەپشت نەبێت چۆن بڕیار دژی خۆیان دەردەکەن
وەک ئەوە وایە تاوانبارێک لە لە لوتکەی دەستەڵاتدا ئەمری گرتن و زیندانی بۆ خۆی دەربکات.
هەموو دەزانین کە ئێستا تاقە هێزێک کە ڕوبەڕوی
دەستەڵاتی هەردوو زۆنەکە بوەتەوە تەنها عەلی حەمەساڵح و هاوڕێکانیەتی ، وە زۆرترین
مەلەفی گەندەڵیان لایە ، ئەگەر پێشتر شاسوار خاوەنی بەشێک لەم مەلەفانە بوبێت ، ئەوا
ئێستا ئەم مەلەفانەش چوەتە بازنەی هەڵوێستەوە ، ئەگەری سیناریۆکە بەم شێوەیەیە
، نەزاهە جوڵێنراوە لە بەرژەوەندی هەڵویست
، بە شێوەیەک هەموو بنکە دەنگدەرە ناڕازییەکانی نەوەی نوێ و لاهوری و بێلانەکان و
بەشێک لە بنکەی دەنگدەری یەکگرتو و کۆمەڵیش دەچێت بۆ عەلی حەمەساڵح و کورسییەکانی
زۆر زیاد دەکات ، دواتر دەزانین ئەم هەنگاوە ناگاتە لوتکەی دەستەڵات ، دەکرێ تەڵەیەک
لە پشتی ئەم مارکێتینەوە بۆ عەلی حەمەساڵح و هاوڕێکانی هەبێت ، تا بنکە دەنگدەرەکەی
بازنەی سێهەم بە تەواوی بچێتە ناو بازنەی عەلی حەمەساڵح و هاوڕێکانی و دواتر تەڵەیەک
بێت دەرچون لێی ئەستەم بێت .