وتار

گروپی حەوت سەرکردایەتیەکەی گۆڕان، لە نێوان شکست و سەرکەوتندا

1/13/2022 11:49:00 AM 162 جار خوێندراوەتەوە
بەختیار نامیق



هەمومان ئەو ڕاستیە دەزانین کە کۆی حیزبەکان لەم هەڵبژاردنەدا لەبەردەم دەنگی هاوڵاتیاندا توشی شکستی گەورە بون ، کە ٧٥٪ ی هاوڵاتیان بایکۆتیان کردوە و دەنگیان نەداوە ، لە ناویاندا بزوتنەوەی گۆڕان لەم شکستانەدا پشکی شێری بەردەکەوێ ، چونکە لە ماوەی سی ساڵی ڕابردوی حکومڕانی پارتی و یەکێتی نەتوانراوە عەدالەتی کۆمەڵایەتی ، دامەزاوەیی و سەروەری یاسا و ..هتد ، بەرهەم بهێنرێ و لە بەرامبەردا هێزێکی ڕادیکالی ڕاستەقینە وەک ئۆپۆزسیۆنی ئەم حکومڕانیە بونی نەبوە ، کە بزوتنەوەی گۆڕان دەردەکەوێ وەک پێویستی مێژویی و واقعی حکومڕانی بە دنیایەک جیاوازیەوە دەردەکەوێ ، سەرەڕای گوشاری هەمە چەشنەی پارتی و یەکێتی و هێزە دەرەکیەکان ، کە ئەگەر ساختەکاری و گوشار نەبوایە ئەوا بە تەنها خۆی بەقەد هەمو حیزبەکان دەنگی دەهێنا بەڵام ئەم بزوتنەوەیە هەم ڕابەرەکەی و هەم جیاوازیەکەی توانی ڕوبەڕوی پارتی و یەکێتی بێتەوە خەڵک متمانەی پێی هەبو ، ئەی دوای ئەمانە چی..؟

پارتی و یەکێتی وەک مۆدێلێک بە گشتی نەیتوانی لە دەوڵەتداریدا سەرکەوتوبێت و بوە مۆدێلێکی ناشیرین ، گۆڕان وەک پرسێکی تەواو جیاواز دەرکەوت و مۆدێلێکی تری بەرهەمهێنا ، بەڵام دوای چونە حکومەت و مەرگی کاک نەوشیروان و نەمانی گوتاری گشتی شەقام و کاڵ بونەوەی وێنەی گۆڕان وەک داکۆکیکار لەسەر پرسەکانی چاکسازی نەک نەیتوانی ڕێچکەکەی خۆی ون نەکات بوە کۆپیەکی ناشیرینی هەمان مۆدێلی پارتی و یەکێتی ونکردنی ڕەوتی ئۆپۆزسیۆنێکی کارا تا ئەو ئاستەی کە گۆڕان ئۆپۆزسیۆن بو بە هۆی گوشارەکانیەوە کاری زیاتر بە حکومەت دەکرد تا ئێستا ، گۆڕان کە ئۆپۆزسیۆن بو فۆکسی بخستایەتە سەر هەر پرسێک لایەنە پەیوەندارەکان بە خێرای کاریان لەسەر دەکرد ، کە چوە حکومەت و تەواو بونی سەڤفی زەمەنی و پرسە گشتیەکانی گەندەڵی بێ خاوەن مانەوە ، هەمو ئەمانە گەشتنە خاڵی دابڕان و سپەیسێکی گەورە لە نێوان گۆڕان و پاوەرە سەرەکیەکەی کە هێزی مرۆیی و خەڵک و سندوقەکانی دەنگدان بو  وە لەسەر هێڵی وڵاتانی دەرەکی فێڵی لێکرا ، لەبەر ئەوەی دەنگدەری گۆڕان هیچ بەرژەوەندیەکی لەگەڵ گۆڕاندا نەبو وە یاری کردن و سیناریۆی یەکێتی و پارتی و ناڕازییەکانی ناو گۆڕان و مردنی کاک نەوشیروان و وڵاتانی ناوچەیی و بە پلەی یەکەم دەنگدەرەکانی گۆڕانیان سزا داو سفریان کردەوە ، دوای ئەمانە گۆڕان وەک هێزێکی شکست خواردوی بێ سەرکردایەتی و خاوەنی پڕۆژەی گەورە لە چاوەڕوانی ڕابەرایەتیەک و ڕەوتێکی ڕادیکاڵی بەهێزدایە تا بتوانێ ئەم بزوتنەوەیە لەو فورمە بهێنێتە دەر و بیخاتەوە سەر میتۆدەکانی خۆی ، دوای شکستکەی گۆڕان و دەست لەکار کێشانەوەی خانەی ڕاپەڕاندن ، گوشارێکی گەورە دروست بوە لە لایەن دەنگدەرانیەوە کە گۆڕان بگەڕێتەوە لای شەقام ، ببێتەوە بە هێزێکی نەرمی ئۆپۆزسیۆن ، لە بەرامبەردا ئەو هێڵانەی کە خاوەن بڕیارن پێیان وایە گۆڕان نابێ پەلە بکات و کاتیش لە بەرژەوەندی گۆڕاندا نیە ، ئەگەر چی وتراوە گۆڕان سەرەڕای نەبونی هیچ کورسیەک پۆستی دەدرێتێ له بەغداد و ئەگەری دواخستنی هەڵبژاردنەکانی کوردستان بەهێزە ، گۆڕان وەک یەکێک لە پایە گرنگەکانی حکومەتی هەرێم دەیەوێ بەشێ بێ لە ڕێککەوتنی ستراتیژی و هاوکاری پارتی و یەکێتی بێت لەم حکومەتەدا ، لە کاتێکدا هۆکاری شکستی دەگەڕێتەوە بۆ کوشتنی جیاوازی لە نێوان خۆی مۆدێلی پارتی و یەکێتیدا .

دوای شکست چەند ئاراستەیەک دروست بو کە هەستانەوەی گۆڕان دروشمیانە و پێیان وایە گۆڕان لە هەیکەل و پەیڕە و ئامانجا کێشەی نیە ، کێشەکە لە کارئەکتەر و جێبەجێکردندایە ، بۆ ئەم پرسە جڤاتی نیشتمانی کراوە بە ناوەندی بڕیار ،هەر سەرەتا ژوری توێژینەوەی سیاسی پڕۆژەیەکی کاڵ و کرچی هێناو و خستیە بەردەم هەمو گروپەکانەوە ، ئەگەر چی پڕۆژەکە خۆی زور لاواز بو ، بەڵام نەیتوانی ببێت بە چارەسەر بۆ هەستانەوەی گۆڕان ، لە دوای ئەمانە و دیاری کردنی گروپێکی پێنج کەسی بۆ دانانی سەرکردایەتیەکی نوێ ، گروپێکی حەوت کەسی دروست بو بۆ سەرکردایەتیکردن ئەگەر چی بە گشتی گروپەکە کەسانی دڵسۆز و زۆر باشن بە تایبەت سکرتێرەکەیان کە شوان قلیاسانیە ،  بەڵام :

١-بە پێی بڕیاری جڤاتی نیشتمانی تەنها کاریان ئالیەتی کۆنفرانسی نیشتمانیە ، لە کاتێکدا کۆنفراسی ناوخۆیی دەتوانێ گۆڕانکاری لە کەسەکاندا بکات نەک کۆنفرانسی نیشتمانی کە دەبو پێداگری بکرایە بۆ کۆنفرانسی ناوخۆیی و کە تا بازنە و ڕایەڵەکان هاتوە، قۆناغەکانی تر جێبەجێ بکرایە ، کە ئۆتۆماتیکیەن تا جڤاتی نیشتمانی و ژورەکان و هەتا خانە و ڕێکخەریش گۆڕانکاری بەسەردا دەهات ، دوای ئەمانە کۆنفرانسی نیشتمانی بکرایە .

٢-دەبو ئەم گروپە حەوت کەسیە دەستەڵاتی زیاتری بدرایەتێ و کۆنفرانسە ناوخۆییەکانیان تەواو بکردایە بەوەی بتوان مەرجی خۆکاندید کردنی دیاری کردایە و مەرجەکان وابوایە ئەوانی پێشتر پۆستی حکومی و حیزبیان هەبوە نەتوانن خۆیان کاندید بکەنەوە .

۳-ئەو ئاراستانەی خاوەنی هێزن وەک کوڕەکانی کاک نەوشیروان، سێبەری هەندێکی خانەی ڕاپەڕاندن کە دو ئاراستەی بەهێزن و یاریەکانیان بەردەوامی هەیە ، سیناریۆکانیان هەمە چەشنن ، ئەم دوو هێزە ئەگەر چی وا دەردەکەوێ کە کێشەیان هەیە بەڵام لە گشتدا هیچ کێشەیەکیان نیە و یاری بە کات دەکەن و نایانەوێ گۆڕان لە ژێر خواستی خۆیاندا دەربچێ ، ئاراستەکانی تر جگە لە تجمع ناتوانن ئەو یاریانە بکەن کە لە ناو جڤاتدا بتوانن گۆڕانکاری بکەن ، ئەمەش لە هەڵبژاردنی بەرپرسی ژوری پەیجوریدا دەرکەوت .

٤-بە گشتی کادری ناوەندی گۆڕان هیوای بەم گروپە حەوت کەسیە هەیە ئەگەر بتوانن دەنگی گوشارەکان ڕێک بخەن لەسەر ئاستی جوگرافی و پیشەیی و هەندەران و جڤاتی گشتی و پێشمەرگە دێرینەکان و میدیاکاران بۆ ناچارکردنی جڤاتی نیشتمانی بە دەستەڵاتی ڕەها بەم گروپە حەوت کەسیە.

 ٥-زیاتر کردنی گروپی گوشار لە بازنەی پشتوانان ، بە وێنەی گروپی لۆبی و کار کردن بە ئاراستەی بەهێزکردنی گشتی نەک تەنها سەنتەری شارەکان.

٦-ئەم گروپە لە ئێستادا دەستەڵاتی بۆ کارێکی دیاری کراوی بچوک کێشراوە ، لە گشتدا هیچ ناکۆڕێ جگە لە یاری کردن بە کات ، کە دەبێ شەڕی هەمو ئاراستانە بکات کە چەند ئاراستەیەکی
بەهێزن وە پارتی و یەکێتی پشتوانیان دەکەن .

بە گشتی بازنەکانی سەرکردە لە ئێستادا هاتوەتە بازنەی سێیەم ،ئەگەر بازنەی یەکەم سەرکردە پلە یەکەکانی شاخ بو بێ ئەوا هەمویان مردن یان کار ناکەن ، بازنەی دوەم لە ناو پارتی و یەکێتی بە هۆی بنەماڵەیی و هاتنە پێشەوەی خوێنی یەکەمەوە و قبوڵ کردنیان سەرکردەکانیانیان ڕۆڵی پاشکۆی سەرکردە دەگێڕن ، لە ناو گۆڕاندا کوڕانی کاک نەوشیروان نایانەوێ ڕۆڵی خوێنی یەکەم بگێڕن ، ئەگەر چیا بیەوێت بیکات زەمینەی ناو گۆڕان لەبارە بەڵام نایکات و سەرکردەکانی تر شکستیان هێنا و جارێکی تر ناتوانن حیزب بەرنەوە ئاستی جاران ( ئەگەر چی لە ژێرەوە هەر خەریکن بە سێبەرەکانیان ) کەواتە بازنەی سێیەم دەتوانن لە بۆشایی نەبونی سەرکردەکانی بازنەی یەکەم و دوەم ببنە سەرکردە و جێگرەوەی بازنەی یەکەم ، ئەم گروپە حەوت کەسەیە ئەگەر نەفەس درێژ و یاریەکانی سەرکردە بکەن ئەوا زمینە لەبارە و ماتریالی ئەم ڕێنساسە هەیە و دەتوانن ببنە سەرکردە ، بەڵام ئەم گروپە لەبەردەم چەندین گروپی دژدایە دەبێت هەمو هێزەکانی گوشار یەکبخات و پاشان بتوانێ گۆڕان وەک بینایەکی کۆن نۆژەن بکاتەوە ، ئەمەش سەرەتا لە گۆڕینی کەسەکانی ناو جڤاتی نیشتمانیەوە دەبێت کە تا ئێستاش سەنتەری بڕیارە.

سۆشیال میدیا

ڕۆژنامەی زەمەن