وتار

کێشەی ناوخۆیی حیزبەکان و بزوتنەوەی گۆڕان لەدوای دامەزراندنیەوە

7/25/2021 10:45:00 AM 343 جار خوێندراوەتەوە
بەختیار نامیق



هەرێم بە دوو قەیرانی سەختدا تێدەپەڕێ، قەیرانی یەکەم قەیرانی حکومداری و دەوڵەتداری و دامەزراوەییە کە لە گشتدا دەکاتە قەیرانی ئابوری و نەبونی خزمەتگوزاری و سەراپاگیری گەندەڵیە ، قەیرانی دوەم قەیرانی حیزبەکانە کە لە غیابی سەرکردەکانی شاخدا دەگوازرێتەوە بۆ نەوەی دوەم و ئەمەش ململانێیەکی قورسی دروست کردوە تا ئەو ئاستەی یەکسان بوە بە ئیفلیج بونی ئۆرگانە حیزبییەکان ، حیزبە دەستەڵاتدارەکانیش ناتوانن ڕوبەڕوی قەیرانی حکومی و حیزبی ببنەوە ، کە حیزب دەتوانی کاریگەری هەبێ بۆ دۆخی قەیراناوی گشتی.

لە بەرامبەر ئەمانەشدا چەند حیزب کێشەی ناوحۆیی  هەبێت و دەوڵەتداری تەنها سیمایەکی کارتۆنی دەبێ و خێڵ و بنەماڵەکان حکوم دەکەن ، وە تا ئێستا هێشتا هەر دەستەڵات لای یەکێتی و پارتی بێت بە پلەی یەکەم لە بەرژەوەندی ئێران و تورکیا دەبێ ، ئێران و تورکیا دەیانەوێ و لە بەرژەوەندیاندایە بەردەوام هەردو قەیرانەکە درێژەی هەبێ و دوو حیزبی حکومڕان پڕ بێ لە ئاژاوە و پشێوی بە پلان درێژە بەو ناکۆکیانە دەدەن ، لە ناخۆی حیزبەکاندا کێشەی ئامۆزاکان بوە بە قۆناغی سڕینەوە و گرتنە دەستی دەستەڵات لەلایەن کوڕانی سەرکردەکانەوە ، ئەم پلانەش لە ئەنقەرە وتارانەوە ڕەسم دەکرێ بە پێی بەرژەوەندی هاوبەشی ئەنقەرەوە تاران.

لە بەرامبەر ئەم قەیرانانەدا دوای دوانزە ساڵ لە کێشە و قەیرانەکان هەرێم بۆ تێپەڕاندی قەیرانەکانی بە ناچاری دەبێ بچێتەوە بەردەم پڕۆژەکانی گۆڕان ، بە مانایەکی تر دروستبونی بزوتنەوەی گۆڕان دروستبونی ژوری نەشتەرگەریە بۆ نەخۆشیەکانی هەرێم و تێپەڕاندنی بۆ قۆناغێکی تەندروست ، گۆڕان هەر لە دروستبونیەوە بە پێی پڕۆژەکانی و نەخشەکانی کاک نەوشیروان مەتبەخێکە بۆ چاکسازی و تێپەڕاندنی دۆخی قەیراناوی هەرێم .

ئەگەر چی گۆڕان کێشەی بچوکی هەبوە و لە دوای کاک نەوشیروانەوە کاری سیاسی هێواش بوەتەوە بەڵام لە ئێستاشدا وەک ڕاگرتنی بەریەک نەکەوتنی گەرمی پارتی و یەکێتی و گوتاری گشتی چەقی ڕاگرتنی دۆخی هەرێمە بۆ نەخزان بەرەو خراپتر ، لە ئێستادا گۆڕان و پڕۆژەکانی تاکە ڕێگە و تاکە مەتبەخ و تاکە ژوری نەشتەرگەریە بۆ هەردو قەیرانەکە ، چونکە حیزبێکی بە پڕۆژە و بێ چەک و خەباتی مەدەنی دەکات وهەناسەی درێژە، ئەگەر چی لە ناوخۆ و چی لەدەرەوە بە پلان دژایەتی قورسی دەکرێ ، بەڵام دواجار گۆڕان پڕۆژەی بە مەدەنی کردنی ململانێ و بەنیشتمانی کردنی دامەزراوەکان و پڕۆسەی دەوڵەتداریە.

سۆشیال میدیا

ڕۆژنامەی زەمەن