وتار

لێت دەپرسم ... ئایا دەزانی..؟؟ بۆ سەرۆکی حکومەت

7/5/2020 9:57:00 AM 340 جار خوێندراوەتەوە
بەختیار نامیق


سەرۆکی حکومەت لە میانی بەرنامەیەکدا (لێم بپرسە ) ڕوبەڕو وەڵامی پرسیارەکانی هاوڵاتی دەداتەوه‌، ئەگەر چی ئەم وەڵام دانەوەی پرسیارانە هەر بەرپرسێک بیکات جیگای دەست خۆشیە، بەڵام ئەگەر ئەم نوسینە دەگاتە لای بەڕێزتان منیش لێت دەپرسم و پێت دەڵێم:

1.چاکسازی پێش دروشم بەکردارکردنە، ئەم بە کردەوە بونە دەبێت وەک قادرمە شتن لەسەرەوە دەست پێبکات، مەخابن بە (حیزبەکەی منیشەوە) لە خوارەوە دەستان پێ کردوە هیچ سودێکی نابێ لە عەدالەتی موچە و جارێکی تر چینی ناوەڕاست لەسەر دەستی تۆدا وێران دەبێت.

2.هەموتان (بە حیزبەکەی منیشەوە) دەڵین چاکسازی دەبێت لەوێوە دەست پێ بکات کە کەسی سیاسی و ناو مەکتەب سیاسیەکان کۆمپانیایان هەیە بە ئاشکرا لە مەرزەکانەوە بار دەهێنن و باج نادەن ، دەبێت ئەمانە ناچار بە باج بکرێن باجیان لێوەرگیرێ و بچێتەوە خەزێنەی دەوڵەت و هەر گاڵتەشیان پێ دێ ، ئەی دەزانی چوار دەورت هەموی لەم جۆرە دزانەیە .

3.    بردنی نەوت بە قاچاخ لە لایەن کەسانی دەست ڕۆشتوەوە و هیچ حسابێک بۆ حکومەت ناکەن ، ئەی دەزانیت حیزبەکەی تۆ و جێگرەکەت لە چوار چێوەی ڕێککەوتنی ستراتیژی ئەمانەتان بەش کردوە.

4.    ئەی دەزانی زۆنی زەرد و سەوز هەیە، ئەو حکومەتەی تۆ تا دێگەڵە دەستەڵاتی هەیە .
5.    ئێستە زانیت زۆنی زەرد و سەوز هەیە، ئەی دەزانی زۆنی زەرد پاشکۆی تورکیایە و زۆنی سەوز پاشکۆی ئێران ..!

6.    با لێت بپرسم ئەی دەزانی کەسانی دوری تۆ هەیە زۆر لە حکومەت دەوڵەمەندترە و کەسیش نازانێ لە کوێوە هێناویەتی ، چۆن دزیویەتی .؟

7.    با لێت بپرسم دەزانی پارەی سەرانی حیزبەکەت و یەکێتی ئەوانی تر لە بانکەکاندا لە جیهاندا چەند هەیە ، گریمان زانیت ئەی دەتوانیت بیانگێڕیتەوە بۆ ناو گیرفانی حکومەت.
8.با لێت بپرسم ، ئەی دەەزانی خەڵکتان لەسەر خەرمان و ناو کشتوکاڵەوە هێناو کرتانە پۆلیس ( لە بەرهەمهێنەوە بۆ مشەخۆر) بۆ ئەوەی کۆمەڵگا بکەنە کۆیلەی موچە ، پاسەوانەکانی خۆت بگەڕێ گومانم نیە تیایەتی .

9.    لێت دەپرسم دەزانی پیکابێک شوتی کە ڕەنجی ساڵیکی جوتیارە ٣٠ هەزار دەکات، کوا دۆزینەوەی بازاڕ بۆ بەرهەمی جوتیاران، با لێت بپرسم دەزانی تەماتە ئێستە جوتیار نایڕنێ فڕێ ی دەدات.

10.  ئەی دەزانی ماڵی وا هەیە ٧ کەسن نەخوێندەواریشن  ٩ موچە وەردەگرن لەبەر ئەوەی لە کاک مەنسولێکەوە نزیکە و خزمیەتی و ماڵی واش هەیە ٧ کەسن ٥ یان بەکالۆریۆسیان هەیە یەک موچەیان نیە هەموشیان بەتاڵن، ئایا تۆ داتات لایە ئەی بۆ سەرژمێریەک ناکەی ..؟؟؟

11.  ئایا دەزانی سەرچاوەی کاراکردنی هەر دامەزراوەیەک (سەرچاوە مرۆییەکان)ە تا کار لەسەر داتا و توانا مرۆییەکان بکات و ئاگای لە هاوڵاتیانی خۆی بێت ، ئایا دەزانی ئەم حکومەتەی تۆ (H.R) نیە ..؟؟؟

12.  با لێت بپرسم، دەزانی ئامۆزاو میمزا و هاو ستراتیزیەکانی یەکێتی لای تۆ لەم ماوەیەدا حکومەتیان نابوت کردوە و تۆ هاتویتە سەر کەلاوەیەک، دەزانی دەبێت لێپێچینەوەیان لەگەڵ بکەی .؟؟

13.  با لێت بپرسم ، ئایا دەزانی هەزاران مۆڵ و بینای هەیە کە هی مەنسولەکانی دەرو بەری تۆ و جێگرەکەتە، هیچیشیان بەناوی خۆیانەوە نیە، دەتوانی ئەمە کەشف بکەی .؟

14.  ئایا دەزانی دەیان دۆنم لە زۆنەکانی خۆت و جێگرەکەت داگیرکراوە لەلایەن دست ڕۆیشتوەکانی حیزبەکانی خۆت و جێگرەکەت، فیل ناتوانێ بڵێ بۆ ..؟؟

15.  ئایا دەزانی کەرتی تایبەت سەدان ملیار باجیان لایە نایدەن بە حکومەت، ئەی دەزانی ئەمانە نزیکەکانی تۆ و جێگرەکەتە ..؟؟

16.  با لێت بپرسم کەست ناردوە قافڵەی تەنکەری نەوتی قاچاخ و هێلکە و دوگ و جۆرەها پێویستی ببینن و بۆت بێنن بڵێن گەورەم ئەمانە باج نادەن ؟؟ پێشتر سزای حکومەت ئەمە بو ( ئەمجارە وا بکەن عاجز دەبین)

17.  ئەی دەزانی داهاتی نەوت چەندی دەچێتە ناو باخەڵی حکومەتەوە، چەندی بۆ مەنسول و ئەو هەمو تیڤییە.؟؟

18.  ئایا دەزانی چەند حیمایە هەیە ..؟؟؟

19.  هەزاران ئایا دەزانی تر.
دوا قسەم ئەوەیە تۆ پێت نەکرێ کێ ی تر پێ ی دەکرێ لە ئێستادا، کە وازت لە تورکیا و ئێران هێناوە، ڕوت کردوەتە بەغداد، دەشتوانی لە ناوەندە جیهانیەکاندا پشتوانی پەیدا بکەی، کوڕی بارزانیت، خاوەن دەزگایەکی ئەمنیت، حیزبەکان ناچارن چاکسازی بکەن بە گەندەڵەکانیشەوە و بە حیزبەکەی خۆت و خۆشمەوە، ئایا دەزانی تۆ دەتوانی هەرێم وەک وڵاتانی تا ئاستێک پێشکەتو لێ بکەی ئەگەر گوێ لە دزەکانی دەور و بەرت و خاوەن کۆمپانیاکان نەگریت و تا ئاستێک جیاوازی چینایەتی نەهێڵیت .!!!!؟؟؟

سۆشیال میدیا

ڕۆژنامەی زەمەن