وتار

ڕێککەوتنی نێوان یەکێتی و گۆڕان بەرەو کوێ.؟؟؟

6/21/2021 10:19:00 AM 221 جار خوێندراوەتەوە
بەختیار نامیق

لە کاتی ئیمزاکردنی ڕێککەوتنی دەباشان و دوای ڕێککەوتنەکە کاک نەوشیروان دەیزانی گەڕانەوەی باڵانسی هێز حوکمی ئەو کاتی سیاسی و  ناوچەیی بو ، دوو پەیامی بە دوو دێڕ ئاراستەی دوو شوێن کرد ، یەکێکیان بۆ ناوخۆی گۆڕان و بۆ هەڵسوڕاوان و پشتوانانی بزوتنەوەی گۆڕان بو کە وتی ( ئەم ڕێککەوتنە وەک سۆمای چاوتان بپارێزن ) هەر واش بو گۆڕان پابەند بو بە ڕێککەوتنەکە و بە قسەی ڕێکخەرەکەیەوە ، قسەی دوەمی ئاراستەی یەکێتی کرد کە وتی ( عیبرەت لەجێبەجێ کردنیدایە ) ئەگەر چی گرژی نەهێشت ، بەڵام ڕێککەوتنەکەیان بە تەواوەتی جێبەجێ نەکرد ، پێش چەند مانگێک پۆستێکم کرد کە تێکچونی هاوسەنگی هێزی هەمەلایەنەی هەرێم و دەستەڵاتەکان پێمان دەڵێ مەنتق و حوکمی سیاسیە کە گۆڕان و یەکێتی  (مێژوی هاوبەش و جوگرافیای هاوبەش و خەباتی هاوبەش و خوێنی هاوبەش و سەرکردەی هاوبەش ) یان هەیە ، خاڵی لێک نزیکبونەوەیان گەورەترە لە خاڵی ناکۆکی و ململانێ و دەبێ کار لەسەر ڕێککەوتنی دەباشان بکرێتەوە.

وا ئێستا یەکێتی و گۆڕان ئەم حوکمەی سیاسیە بە ڕێککەوتنێک واژۆ دەکەن ، کە بڕیارێکی دروستە ، ئەگەر چی گوشارێکی دەرەکیشی تێدایە ، بەڵام ڕێککەوتنەکە پێویستیەکی هەنوکەیی زۆر پێویستە بۆ گەڕاندنەوەی هاوسەنگی هێز و دەبێت لە هەردولا هەنگاوی جدی تر و وردتر بنرێ بۆ ئەوەی وەک ڕێککەوتنی دەباشان نەڵێین عیبرەت لە جێبەجێکردنیدا بو ، بەڵکو بڵێین عیبرەت لە بەردەوامی و ڕێککەوتنی زیاتردایە .

دواجار گۆڕان هێزی ڕاگری نێوان دوو هێزە بۆ ڕاگرتنی هێمنی و ئاشتی کۆمەڵایەتی و دیواری بەریەک نەکەوتنی گەرمی نێوان یەکێتی و پارتیە.

سۆشیال میدیا

ڕۆژنامەی زەمەن

Advertisement