37 کوردستان

مه‌كته‌ب سیاسیه‌كی پارتی: بۆ کۆبوونەوە لەگەل برایانی یەکێتی، زەمینە سازی پێویست لە لایەن پارتییەوە کراوە

09:53 - 19/11/2026

زه‌مه‌ن – هه‌واڵ

 

 مه‌كته‌ب سیاسیه‌كی پارتی رایگه‌یاند؛ كاراکردنەوەی پەرلەمان لە پێناو پاراستنی قەوارەی هەرێم و ڕەوایەتیی دامەزراوە دەستوورییەکاندا بووە، دووپاتیشی کردەوە کە پارتی زەمینەسازیی پێویستی کردووە و ئامادەیە لە زووترین کاتدا لەگەڵ یەکێتیی کۆببێتەوە.

د.هێمن هه‌ورامی ئه‌ندامی مه‌كته‌بی سیاسی، ئه‌و قسانه‌ی ئه‌مرۆ پێنچ شەمە ۱۹ ی ۱۱ ی ۲٠۲٦ لە پیرمام كرد له‌ دیداری ئێرمان توپچو کونسولی گشتی تورکیا لە هەرێمی کوردستان کرد.

په‌یجی فه‌رمی هه‌ورامی نوسیویه‌تی؛ لەم دیدارەدا سیاسەت و هەڵوێستی پارتی دیموکراتی کوردستان لەسەر کۆی پەرەسەندنە سیاسیەکانی هەریمی کوردستان و عێراق و ناوچەکە شیکردەوە.
هه‌روه‌ها نوسیویه‌تی جەختمان لەوە کردەوە کە کاراکردنەوەی پەرلەمان پاش دوو ساڵ لە هەڵبژاردنەکان بۆ دژایەتی هیچ لایەنێک نەبووەو بۆ پاراستنی قەوارەی هەریمی کوردستان و رەوایەتی دامەزراوە دەستورییەکان بووە.

وتیشی: "دووپاتمان کردەوە لە چوارچێوەی بانگەوازی سەرۆک بارزانی بۆ کۆبوونەوە لەگەل برایانی یەکێتی، زەمینە سازی پێویست لە لایەن پارتییەوە کراوە و ئامادەییمان دەربریوە لە زووترین کاتتدا لەگەل یەکیتی کۆبینەوە و هیوادارین بەرێزان لە یەکیتی نیشتیمانی کوردستان بە شیوەیەکی ئەرێنی بە دەم بانگەوازی سەرۆک بارزانی و زەمینە سازییەکانی پارتیەوە بێن"..

سۆشیال میدیا

ڕۆژنامەی زەمەن