وتار

منیش تەحەدای بەرێز شاسوار عەبدولواحید ئەکەم !

11/7/2019 1:06:00 PM 5965 جار خوێندراوەتەوە
خالید ڕەزا

 

هەڤاڵ شاسوار لە پەیجی خۆی تەحەدا نامەیەکی سەیرو سەمەرەی نوسیوە. بەقسەی ئەم لە ئەوروپا خەلک پارەی خۆڵ و خاشاک نادات و خۆڵەکەش پارە ئەکات !

من وەک هاونیشتمانیەکی کوردستانی کە زیاتر لە 22 ساڵە لەولاتی هۆلەندا ئەژیم و زۆر موتەوازعانە زانیاریم لەسەر سیستمی سیاسی و کۆمەلایەتی و ژینگە و حیزبەکانی ئەم ولاتە هەیە. بە خەڵکی کوردستان ئەڵێم ئەو قسانەی بەریز شاسوار کردویەتی و گوایە تەحەدای حکومەتی هەریم ئەکات و نارەزایەتی بەرامبەر وەرگرتنی 5 هەزار دینار لەبەرامبەر فرێ دانی خۆڵ و خاشاکی مالاندا، دەربری یەوە، لە خۆڵ لەچاوکردنی خەلک زیاتر شتیکی تر نیە، ئەم خەلکانە بەردەوام فەزای سیاسەت و دەولەتداری و بازرگانی و تەونی کۆمەلایەتی تیک ئەدەن و خۆیان لەبەر چاوی خەلک کردوە بە شارەزای هەمو بواریک و دەم لەهەمو شتیک ئەدەن.

بەخەڵکی کوردستان ئەڵیم لەم هۆلەندایەی منی لێ ئەژیم کە ئەکەویتە ناوجەرگەی ئەوروپاوە ، هەمو ماڵیک پارەی سالانەی فرێ دانی خۆڵ و خاشاک ، هی ئاو ئاوەرۆ هی سەلامەتی تەندروستی ئەدات. بۆ نمونە پارەی بنەرەتی سالانەی مالان بۆ فری دانی خۆڵ و خاشاک باسس ەکەی 169 یۆرۆیە ئەمە ئەگەر کۆنتەینەری زیادە داوا بکەیت پارەی زیاتر ئەدەیت، بیگومان لەبەر ئەوەی سیستمی سیاسی ئەم ولاتە نا ناوەندی یە و شارەوانیەکان هەریەکەیان بۆ خۆیان تاریفەی تایبەتی خۆیان هەیە بۆ پاک و خاوینی و فرێ دانی خۆڵ و خاشاک. نوسەری ئەم سەرنجە یەکیکم لەوانەی کە لەماڵەکەم دا ٣ جۆر کۆنتەینەری جیام هەیە هی پاشماوەی خواردن، هی پاشماوەی باخچە و سەوزە، هی کاغەز فڕی دان ساڵانە لەو برە پارەیەی کە وەک باسس ئاماژەم پێ داوە زیاتر ئەدەم. هەر لەماڵەکەی خۆشماندا پلاستیک و شوشە جیا ئەکەینەوە  لە گەرەکەکەماندا کۆنتەینەری تایبەت هەیە ئەیخەینە ناوی.

بۆیە بە بەرزی شاسوار و هاوشیوە و هاو ئاوازەکانی ئەڵێم بەسە دەست لەچەواشەکاری  و ئەم هەلسوکەوتە پۆپۆلیستیانەیە هەڵبگرن.

سۆشیال میدیا

ڕۆژنامەی زەمەن