560وتار

ڕابەرێک لە لوتکەی ئەخلاقی سیاسی و نیشتیمانیدا

5/17/2020 3:05:00 PM

سیروان حەمەڕەشید

کێ و کام سەرکردە لەمێژوو خەباتی چەکداری سیاسی و مەدەنیدا هێندەی نەوشیروان مستەفا خاوەن مۆڕاڵی سیاسی و بڕیار و ئازایەتی بووە و بەلۆژیکی سیاسی و کارنامەی ووردەی ستراتیژی بۆ رووبەڕوو ئاڵنگارییە قورسەکان بێبوبێتەوە؟
کام سەرکردە لەباشوور وەک ئەو ڕابەرە خاوەن دیدگای فرەڕەهەندی نیشتیمانی و نەخشە و پلان بۆ دەستەبەرکردنی ئایندەی دەوڵەتدارێکی مۆدیرن و خزمەتگوزرای و خاوەن دامودەزگای ئیداری و زامنکردنی سەروەری قەوارەی سیاسی هەرێمی کوردستان هەبوو؟
ئەم سەرکردە مەزنە تا دواساتەکانی ژیانی لەگەڵ ئازار و مەینەتەکانی میللەتدا بوو ٫ فیگەرێکی چاڵاک و داکۆکاری دادپەروەری سیاسی و کۆمەڵایەتی بووە٫ هەمو بەشی هەر زۆری تەمەن و خۆشیەکانی ژیانی کردە قوربانی ئازادی و ئامانجە باڵاکانی کوردستان .

نەوشیروان مستەفا هەمو توانا فیکری و مەعریفی و عەقڵیی و جەستەی لەپێناوی دەستەبەری تولرانسیی سیاسی و فرەیی و پێکەوەژیان و دەستا و دەستکردنی هێمنانەی دەسەڵات و ئاشتەوای گشتی تەرخانکرد ٫ دەتوانم ئەوە بڵێین لەماوەی سەد ساڵی ڕابردووی باشووری کوردستاندا ڕابەر و کەسایەتێکی سیاسی و ڕووناکبیر و نوسەرێکی گەورە وکاریگەری لە چەشنی نەوشیروان مستەفای بەخۆوە نەدیوە و قەناعەتم نییە تا ساڵانێکی دووریش سەرکردەی وەها لەدونیای سیاسی و ڕۆژنامەگەری و ئەدەبی مێژوونوس هەڵکەوێتەوە .

ئەگەر دەسەڵاتدارانی کورد لەسەرەتایی یەکەم ئەزمونی هەڵبژاردنەوە پرۆژە و کارنامەکانی و دیدگای و ئەزمونی دەوڵەمەندی ئەم سەرکردەییان بکردایە میتودی و نەخشەی کاری حکومڕانی دۆخی سیاسی و قەیرانی ئابووری و دارای و بەم ئاستە زۆر خراپە نەدەگەیشت٫ بەدەستی دەیان ئاڵنگارییە قوڵەوە گرفتار و دەستەوەستان نەدبوو٫ بۆ ئەوەی لەئێستادا لانی کەم هەرێم خاوەن بنەما و بنچینەکانی حکومڕانیی مۆدێرن و هاوڵاتیبوون بێت,
لەبەر ئەوەی هەرێم لەم دۆخە مەترسیدار و پڕ قەیرانە تێپەرێنت گرنگە لەیادی سێ ساڵێ کۆچی ئەم رابەرەدا حکومەت و بزووتنەوەی گۆڕان و هەمو هێزە سیاسیەکانی دیکە بگەرێنەوە سەر فیکر و پرۆژەو سیاسییەکانی و بیکەنە بنەمای ئەساسی حکومڕانی و پرۆسەی سیاسی.