بەپەلە.. کارەبای سلێمانی هاوڵاتیان ئاگادار دەکاتەوە
01:07 - 30/10/2025
زەمەن _ سلێمانی
کارەبای سلێمانی ڕایدەگەیەنێت: هەر کەسێک هەر پرسیارێکی هەیە دەربارەی پسوولەی کارەبا یان وەرگرتنی هەر روونکردنەوەیەك، سبەی و دوو سبەی سەردانیان بکەن.
ئەمڕۆ پێنجشەممە، بەڕێوەبەرایەتی گشتی کارەبای سلێمانی ئاگاداری هاوڵاتیانی سنووری بەڕێوبەرایەتییەکەیان دەکانەوە، هەر کەسێک هەر پرسیارێکی هەیە دەربارەی پسوولەی کارەبا یان وەرگرتنی هەر روونکردنەوەیەك لەسەر پسولەی کارەباکە و چارەسەركردنی هەر كێشەیەك، دەتوانن سبەینێ هەینی و دووسبەی شەممە بەرواری 31/10/2025 و 1/11/2025 سەردانی بەشی کاروباری وزە بکەن لە بەڕێوەبەرایەتی دابەشکردنی کارەبای سلێمانی/رۆژهەڵات، لە گەڕەکی قالاوا.
هەروەها هەر کەسێکیش بیەوێت پارەی کارەبا بدات دەتوانن لە هەمان شوێن پارەکە بدەن.