دەزگای ئاسایشی هەرێم دەستگیرکردنی دوو تۆمەتباری بکوژی منداڵێکی ڕاگەیاند
09:05 - 11/08/2025
زەمەن پرێس:
بەڕێوەبەرایەتی گشتی ئۆپراسیۆنەکانی دەزگای ئاسایشی هەرێم، ژن و
پیاوێکیان دەستگیرکرد، لەپارێزگای دیالە منداڵێکی خاوەن پێداویستی تایبەتیان
کوشتووە.
٢٠٢٥/٨/٧دوای بڵاوبونەوەی هەواڵی کوشتنی منداڵێکی خاوەن پێداویستی
تایبەت لەپارێزگای دیالە، لەلایەن ژن و مێردێکی بەخێوکەر و هەڵاتنی تۆمەتباران
بەرەو هەرێمی کوردستان، بەپێدانی زانیاری هەواڵگری لەلایەن (خلية الصقور)ی
پارێزگای کەرکوک سەر بە هەواڵگری عێراق،
ئاماژەى بەوەشکردوە، دەستبەجێ بەڕێوەبەرایەتی گشتی ئۆپراسیۆنەکان
ئاسایش بەدواداچوون و لێکۆڵینەوەی وردی بۆ دۆزینەوەی شوێنی تۆمەتباران ئەنجامدا و
بەبڕیاری دادوەری لێکۆڵینەوەی ئاسایش، توانیان شەوی ٢٠٢٥/٨/١٠ لەقەزای چەمچەماڵ
هەردوو تۆمەتباری داواکراو دەستگیربکەن و بەپێ ی تایبەتمەندی کەیسەکە دوای لێکۆڵینەوە
هەردوو تۆمەتباری بکوژ ڕادەستی هێزە ئەمنیەکانی عێراق دەکرێنەوە.
ئاسایشی هەرێم روونیکردوەتەوە، لەئێستادا تۆمەتباران بە ماددەی(٤٠٥)
لەیاسای سزادانی عێراقی ڕاگیراون و لێکۆڵینەوە لەدۆسیەکانیان بەردەوامە.