کارەبای نیشتیمانی عێراق کوژایەوە
05:08 - 11/08/2025
زەمەن _ عێراقی
کاتژمێر ٣ی پاشنیوەڕۆ کارەبای نیشتمانی لە سەرانسەری عێراق کوژایەوە و تاوەکو ئێستا هۆکارەکەی نەزانراوە.
ئەمڕۆ دووشەممە، ١١ی ئابی ٢٠٢٥، دانیال عەبدوڵڵا عەزیز، یاریدەدەری بەڕێوەبەری گشتیی کارەبای کەرکووک، ڕایگەیاند: "لە کەرکووک و تەواوی عێراق کارەبای نیشتمانی کوژاوەتەوە، تاوەکو ئێستا هۆکاری کوژانەوەکە نازانن و تیمەکانیان سەرقاڵی لێکۆڵینەوەن".
هاوکات، محەممەد نووری عەبد رەبە، سەرۆکی لیژنەی کارەبا و وزە لە پەرلەمانی عێراق، لە پۆستێکی فەیسبووکدا رایگەیاند، کوژانەوەی تەواوەتیی سیستمی کارەبا بەهۆی کێشەیەکی تەکنیکییەوە بووە لە هێڵەکانی گواستنەوەی وزەدا.