نووری مالیکی: جەنگی ئێستا پێویستی بە درۆنە و سەردەمی سەربازیی زۆرەملێ نەماوە
02:39 - 22/04/2026
زەمەن -هەواڵ
سەرۆکی هاوپەیمانیی دەوڵەتی
یاسا رایدەگەیەنێت، بیرۆکەی گەڕاندنەوەی خزمەتی سەربازیی ناچاری لەگەڵ شێوازی جەنگی
نوێدا ناگونجێت، دەڵێت، "کردنەوەی ژمارەیەکی زۆری سەرباز تێچوویەکی دارایی ئێجگار
گەورە لەسەر حکومەت دروست دەکات".
ئەمڕۆ چوارشەممە 22ی نیسانی
2026، نوری مالیکی، سەرۆکی هاوپەیمانیی دەوڵەتی یاسا لەبارەی پرۆژە یاسای سەربازی
زۆرەملێ رایگەیاند، "بیرۆکەی گەڕاندنەوەی خزمەتی سەربازیی ناچاری سەردەمی بەسەرچووە
و لەگەڵ شێوازی جەنگی نوێدا ناگونجێت، چونکە جەنگی ئێستا زیاتر پشت بە تەکنەلۆژیای
پێشکەوتوو و فڕۆکەی بێفڕۆکەوان دەبەستێت نەک زۆریی ژمارەی سەرباز".
ئاماژەی بەوەکرد،
"کۆکردنەوەی ژمارەیەکی زۆری سەرباز تێچوویەکی دارایی ئێجگار گەورە لەسەر حکومەت
دروستدەکات بەبێ ئەوەی پێویستییەکی کردەیی هەبێت و باشترە ئەو بودجەیە بۆ بەهێزکردنی
توانای تەکنیکی سوپا و دروستکردنی هێزێکی کارا بە ژمارەیەکی کەمتر بەکاربهێنرێت".
سەرۆکی هاوپەیمانیی دەوڵەتی
یاسا داوای لە ئەندامانی پەرلەمانی عێراق کرد کە پەلە نەکەن لە دەرکردنی یاسای سەربازیی
زۆرەملێ. جەختی کردەوە کە ئەم بابەتە پێویستی بە وردبوونەوەی زیاتر و ڕەچاوکردنی دۆخی
ئێستای جەنگ و ئابووری هەیە.