راگەیەندراوێک لە بانکى ناوەندیى عێراقەوە
07:13 - 15/03/2025
زەمەن - عێراقى
بانکى ناوەندیى عێراق رایگەیاند، مامەڵەکردنى بانکەکە بە دراوى کاغەز بۆ نیوە کەمبووەتەوە، هەر بەوشێوازەش بەردەوامدەبن تا ئەوکاتەى پارەى کاش ناهێڵن و هەمووى دەکەن بە پارەدانى ئەلیکترۆنى.
عەلى عەلاق، پارێزگارى بانکى ناوەندیى عێراق رایگەیاند، حکومەت بەرەو پارەدانى ئەلیکترۆنى دەچێت و هەنگاوى باشى لەوبارەیەوە بڕیوە، گوتیشى، دەمانەوێت مامەڵەى سەرجەم وەزارەتەکان بکەین بە ئەلیکترۆنى و چیتر پارەى کاش لەناو فەرمانگە حکومییەکان بەکارنەیەت.