سوپای سووریا کشایەوە
10:17 - 30/11/2024
زەمەن – سووریا
کەمێک لەمەوبەر سەربازانی سوپای سووریا لە ناوچەی
شەهبای کوردنشین لە حەلەبی باکووری سووریا کشانەوە، هاوکات ئۆپۆزسیۆنی
ئەو وڵاتەش بەردەوامە لە پێشڕەوییەکانی.
بە وتەی سەرچاوەکان، کشانەوەی سوپای سووریا بەرەو
رۆژهەڵاتی حەلەب دەستیپێکردووە، لەبەرانبەریشدا ئۆپۆزسیۆنی سووریا بەتەواوی چوونەتە ناو شارەکە و
نیوەیان کۆنتڕۆڵ کردووە.
جێی ئاماژەیە، شەهبا ناوچەیەکی کوردنشینی حەلەبە
و سەر بە بەڕێوەبەرایەتیی خۆسەر، لە ئێستادا تەنیا
هێزەکانی ئاسایشی بەڕێوەبەرایەتیی خۆسەر لە ناوچەکە ماون.
هاوکات درەنگانێکی شەوی ڕابردوو، کۆنترۆڵکردنى
نیوەى شارى حەلەب، دووەم گەورەترین شارى سووریا، لەلایەن دەستەى تەحـریرى شام و
گرووپە چەکدارەکانەوە ڕاگەیەنرا.