رونكردنه‌وه‌یه‌ك له پۆلیسی هه‌ولێره‌وه له‌سه‌ر كوژرانی پێنج كه‌سه‌كه
09:51 - 13/05/2022
448 جار خوێندراوەتەوە
زه‌مه‌ن – هه‌ولێر
پۆلیسی پارێزگای
هەولێر لەسەر رووداوی شەڕە تەقەکەی ئه‌مڕۆ، روونکردنەوەیەکی بڵاوکردەوە و رایگەیاند،
دوو تۆمەتبار کە بریندار ببوون دەستگیرکراون.
له‌رونكردنه‌وه‌یه‌كدا
بەڕێوەبەرایەتی پۆلیسی پارێزگای هەولێر ئاشكرایكرد كه ئەمڕۆ کاتژمێر (7:30)ـی ئێوارە،
پۆلیسی هەولێر ئاگادارکرانەوە بەبوونی ڕووداوێکی شەڕکردن لە گوندی کەوڕەبەن لە
سنووری ناحیەی ڕزگاری لە قەزای خەبات لە نێوان دوو برا بەناوەکانی (ا. ر. پ.) و
(ح. ر. پ.) روویداوە.
رونكردنه‌وه‌كه
باسیشی له‌وه‌كردووه كه دەستبەجێ هێزەکانیان لە بەڕێوەبەرایەتی پۆلیسی پارێزگای
هەولێر چوونەته شوێنی مەبەست بە مەبەستی کۆنتڕۆڵکردنی شوێنی ڕووداو و ئارامکردنەوەی
ئەو گرژیەی لە شوێنی ڕووداوەکە دروست بووبوو، دواتر دەرکەوت کەوا لەسەر کێشەی زەوی
لە نێوان مام و سێ برازا بەناوەکانی (ا. ر. پ.) و (ن. ح.) و (ف. ح.) و (ف. ح.) دەبێتە
دەمەقاڵێ و گرژی لەنێوانیان ڕوودەدات لەم نێوەندەدا هەریەک لە (ا. ر. پ.) و (ا. ا.
ر.) و (ز. ا. ر.) و (ف. ح.) کوژراون، هەروەها دوو تۆمەتباریش بەناوەکانی (ف. ح.) و
(ن. ح.) لە ژێردەستی پۆلیس دانە کە زامداربوونە.
پۆلیسی هەولێر لە
روونکردنەوەیەکیدا ئاماژەی بەوەشدا، پەڕاوی لێکۆڵینەوە بۆ ئەم ڕووداوە کراوەتەوە بەمەبەستی
ئەنجامدانی ڕێڕەوی یاسایی بەرامبەر تۆمەتبارانی تاوانەکە.