كۆمسیۆن: زیاتر له 24 ملیۆن كه‌س مافی ده‌نگدانیان هه‌یه
12:55 - 19/07/2021
زه‌مه‌ن_عێراق
کۆمیسیۆنی
باڵای سەربەخۆی ھەڵبژاردنەکان لە عێراق رایگەیاند کە بەپێی ئەوەی لەلایەن ئەنجومەنی
کۆمسیارانەوە پەسەندکراوە، ٢٤ ملیۆن و ٢٩٩ ھەزار و ٢١ دەنگدەر مافی دەنگدانیان لە
دەنگدانی گشتیدا ھەیە.
جومانە
غەلای، وتەبێژی کۆمیسیۆنی باڵای سەربەخۆی ھەڵبژاردنەکان، لە
لێدوانێکی رۆژنامەوانییدا ئاماژەی بەوەداوە کە ئەنجومەنی کۆمسیاران، ژمارەی کۆتایی
دەنگدەران بۆ دەنگدانی گشتیی پەسەندکردووە و وتی:" ٢٤ ملیۆن و ٢٩٩ ھەزار و ٢١
دەنگدەر مافی دەنگدانیان لە دەنگدانی گشتیدا ھەیە."
جومانە
غەلای وتیشی: "ھەروەھا بەپێی ئەوەی لەلایەن ئەنجوومەنی کۆمیسارانەوە
پەسەندکراوە، ژمارەی دەنگدەرانی لە دایکبووی ساڵانی ٢٠٠١، ٢٠٠٢ و ٢٠٠٣، گەیشتووەتە
٩٨٨ ھەزار و ٤٣٥ کەس".
باسی
لەوەشکردووە کە ھەروەھا ژمارەی دەنگدەران بۆ دەنگدانی تایبەت لە ھەڵبژاردنی
پێشوەختە کە ھێزە ئەمنییەکانی سەربە وەزارەتەکانی ناوخۆ، بەرگریی و دەزگای
دژەتیرۆری عێراق، ھەروەھا ھێزەکانی سەربە وەزارەتەکانی ناوخۆ و پێشمەرگەی ھەرێمی
کوردستان دەگرێتەوە گەیشتووەتە، یەک ملیۆن و ٧٥ ھەزار و ٧٢٧ کەس.
وتەبێژی
کۆمیسیۆنی باڵای سەربەخۆی ھەڵبژاردنەکان لە عێراق، ئەوەیشی خستووەتەڕوو، ژمارەی
ئەو ئاوارانەی کە لە سیستمی بایۆمەتری تۆمارکراون و مافی دەنگدانیان ھەیە
گەیشتووەتە ١٢٠ ھەزار و ١٢٦ کەس کە دەتوانن لە ٨٦ ناوەندی دەنگدان دەنگ بدەن و وتی:"ژمارەی کۆتایی ناوەندەکانی دەنگدان
بۆ ھەڵبژاردنی پێشوەختە لەلایەن ئەنجومەنی کۆمسیارانەوە پەسەندکراوە کە ھەشت ھەزار
و ٢٧٣ ناوەندە".
جومانە
غەلای راشیگەیاندووە کە پرۆسەی دەنگدانی تایبەت لە ھەڵبژاردنی پێشوەختە لە ھەشتی
مانگی تشرینی یەکەمی داھاتوو و دەنگدانی گشتیش لە ١٠ی تشرینی یەکەمی داھاتوو
ئەنجام دەدرێن.