کوردستان

وەزارەتى پەروەردە کاتى کۆتاییهاتنى خوێندنى ئەمساڵى دیارى کرد

03:22 - 03/05/2021 1328 جار خوێندراوەتەوە

زەمەن_هەرێمى کوردستان

 

وەزارەتی پەروەردەی حکومەتی هەرێم بڕیاریدا، رۆژى 22ی مانگی داهاتوو تاقیکردنەوەکانى کۆتایی ساڵ دەستپێبکەن و خوێندنى ئەمساڵ کۆتایی دێت.

بەگوێرەى نوسراوێکى وەزارەتى پەروەدەى حکومەتى هەرێم،ئەمڕۆ (دووشەممە 3ی ئایاری 2021) بە واژۆی بریکاری وەزارەتی پەروەردە دەرچووە، تیایدا هاتووە، قۆناغى ( 1 تا 3 )ى بنه‌ڕه‌تى به‌رده‌وام ده‌بن له‌ خوێندنى ناو پۆل و ده‌بێت هه‌رچوار نمره‌ى هه‌ڵسه‌نگانیان هه‌بێت به‌ ره‌چاو كردنى ئه‌وه‌ى چواره‌م هه‌ڵسه‌نگاندن له‌ كاتى تاقیكردنه‌وه‌ى كۆتایی ساڵ دابنرێت كه‌ له‌ 22/6/2021 ئه‌نجام ده‌درێت. 

ئاماژە بەوەشکراوە، پۆلەکانی (4 تا 11) بەردەوام دەبن لەناو پۆل و تاقیکردنەوەی کۆتایی ساڵیان لە 22/6/2021 ئەنجامدەدەرێت. 

هەر بەگوێرەی نوسراوەکە، لەکاتی دەستپێکردنی خوێندنی ناو پۆل ئەو قوتابیانەی فۆڕمی بەڵێننامە پڕدەکەنەوە کە بەشداری خوێندنی ناوپۆل ناکەن. 

 

سۆشیال میدیا

ڕۆژنامەی زەمەن

Advertisement