پەرلەمانتارێکی پارتی: بەبێ یەکێتی حکومەت پێکناهێنین
10:42 - 06/11/2026
زه‌مه‌ن – هه‌واڵ
پەرلەمانتارێکی
پارتی دیموکراتی کوردستان، کاراکردنەوەی پەرلەمانی کوردستان بە "هەنگاوێکی مێژوویی
و پێویست" وەسف دەکات و جەخت دەکاتەوە کە پرۆسەکە بە تەواوی یاسایی بووە.
هاوکات دەڵێت:
پارتی دیموکراتی کوردستان دەرگای گفتوگۆی دانەخستووە و نایەوێت بەبێ یەکێتیی نیشتمانیی
کوردستان کابینەی نوێی حکومەت پێکبهێنێت.
د. شەهرام عەلی
کەژۆ، به كه‌ناڵی رووداوی راگەیاند: دۆخی هەستیاری ناوچەکە رێگە نادات دامەزراوەیەکی
گرنگی وەکو پەرلەمان داخراو بێت و دەڵێت: "پێویست بوو پەرلەمان کارا بکرێتەوە
و هیچ خاڵێکی نایاساییش لە دانیشتنەکەدا نەبووە، تەنانەت دادگەی فیدراڵیی عێراقیش
ناتوانێت هیچ کەموکوڕییەکی یاسایی لە پرۆسەی کاراکردنەوەی پەرلەمانی کوردستان بدۆزێتەوە.".
لەبارەی یەکێتیی
نیشتمانیی کوردستانیش گوتی: "پارتی هیچ کات یەکێتی نادیدە ناگرێت و نایەوێت بەبێ
ئەو حیزبە حکومەت پێکبهێنێت، تەنانەت لە خولی چوارەم و پێنجەمی پەرلەمانیش دەمانتوانی
بەبێ یەکێتی حکومەت پێکبهێنین، بەڵام نەمانکرد."