بەپەلە.. پەرلەمانتارانی یەکگرتوو بڕیاری کۆتایی لە بەشداری یان بایکۆتی یەکجاری دەدەن
02:47 - 05/11/2026
.jpg)
زەمەن_هەواڵ
یەکگرتووی ئیسلامی ڕایگەیاند: لە کۆبوونەوەی مەکتەبی سیاسیدا بڕیاری کۆتایی لەبارەی کۆبوونەوەکانی داهاتووی پەرلەمان دەدەین.
ئەمڕۆ پێنجشەممە، ٥ی تشرینی دووەمی ٢٠٢٦، مستەفا عەبدوڵڵا، ئاشکرایکرد، ئەمڕۆ یان لە سەرەتای هەفتەی داهاتوودا مەکتەبی سیاسی یەکگرتوو و فراکسیۆنەکەیان کۆ دەبێتەوە تاوەکو بڕیار لەسەر بەشداریکردن یان بەشدارنەکردن لە کۆبوونەوەکانی داهاتووی پەرلەمان بدەن.
ناوبراو ئاماژەی بەوە دا که لەگەڵ سەرجەم ئەندامانی فراکسیۆنەکاندا ڕاوێژ دەکەن و بۆچوونی هەمووان وەردەگرن بۆ ئەوەی بڕیارێکی گشتگیر و هاوسەنگ بدەن.
سەبارەت بە شێوازی بڕیاردانیش، سەرۆکی فراکسیۆنی یەکگرتوو ڕوونی کردەوە که پرسی بەشداریکردن لە پەرلەمان دەبرێتە ناو کۆبوونەوەی مەکتەبی سیاسییەوە و لەوێ بڕیاری یەکلاکەرەوە دەدرێت، و ئەوانیش وەک فراکسیۆن پابەند دەبن بە هەر بڕیار و دەستپێشخەرییەک کە لەلایەن سەرکردایەتی یەکگرتووەوە دەردەچێت.