ئاسمان ده‌گۆڕێ بۆ هه‌وری ته‌واو و نمه‌باران
11:25 - 24/10/2025
زه‌مه‌ن -هه‌واڵ
بەڕێوەبەرایەتی گشتی کەشناسی و بومەلەرزەزانی ھەرێمی کوردستان لە راگەیەندراوێکدا
وتی، ئەمڕۆ هەینی، ئاسمان نیمچە هەور دەبێت لە هەندێک ناوچە دەگۆڕێت بۆ هەوری تەواو
لەگەڵ ئەگەری بارینی نمە باران لە ناوچە شاخاوییە بەرزەکان و پلەکانی گەرماش نزیک
ده‌بن لە تۆمارکراوەکانى دوێنێ.
هەر بەپێی راگەیەندراوەكە، سبەی شەممه، ئاسمان لەنێوان پەڵەهەور و نیمچەهەوردا
دەبێت و پلەکانی گەرماش نزیك ده‌بن له تۆماركراوه‌كانی ئه‌مڕۆ.
كەشناسی هەرێم پێشبینی كردوە بەرزترین پلەکانی گەرمای پێشبینیکراو بۆ سبەی
بەم جۆرە بن: ھەولێر: 30، سلێمانی: 29، دھۆک: 28، کەرکوک: 32، ھەڵەبجە: 30، زاخۆ:
30، حاجی ئۆمەران: 20، سۆران: 25، گەرمیان: 35 پلە.