بابەکر زێباری: ئەم ساڵ یەکخستنی هێزەکانی پێشمەرگە کۆتایی دێت
06:13 - 01/07/2025
زەمەن
پرێس:
راوێژکارێکی
سەرۆکایەتیی هەرێمی کوردستان رایدەگەیەنێت، یەکخستنی هێزەکانی پێشمەرگە لە
کۆتاییدایە و ئەم ساڵ هەموویان یەکدەخرێن.
بابەکر
زێباری، راوێژکاری سەرۆکایەتیی هەرێمی کوردستان و سوپالاساری پێشووی عێراق ئەمڕۆ
سێشەممە رایگەیاند، سەرقاڵی یەکخستنەوەی هێزەکان و دروستکردنی فیرقەکانین؛ ئێستا
لە دروستکردنی دوایین فیرقەداین.
زێباری
دەڵێت"تاوەکو ئەمڕۆ 10 فیرقە پێکهێندراون، ئێستا لە فیرقەی کۆتاییداین و ئەم
ساڵ پرۆسەکە تەواو دەبێت؛ هەموو هێزەکانیش یەکدەخرێن."
لە
دەرەوەی وەزارەتی پێشمەرگە، ژمارەیەک هێز هەن، لەوانە هێزەکانی 70 و 80، یەکەمیان
سەر بە یەکێتیی نیشتمانیی کوردستانە و ئەوی دیکەش پارتی دیموکراتی کوردستان.