ترەمپ: هەفتەی داهاتوو لەگەڵ ئێران ڕێککەوتنێک واژۆ دەکەین
09:52 - 25/06/2025
زەمەن پرێس:
دۆناڵد
ترەمپ، سەرۆکی ئەمریکا ڕایگەیاند، هەفتەی داهاتوو لەگەڵ ئێران گفتوگۆ دەکەن و
ڕەنگە ڕێککەوتنێک واژۆ بکەن.
ئەمڕۆ
ڕۆژی چوارشەمە، دۆناڵد ترەمپ سەرۆکی ئەمریکا لە لووتکەی ناتۆ، لەبارەی
کۆتاییهێنانی بە جەنگی ئێران و ئیسرائیل، پرۆگرامی ئەتۆمی ئێران و چەند تەوەرێکی
تر قسەی کرد.
سەرۆکی
ئەمریکا لەبارەی کۆتاییهاتنی جەنگی ئێران و ئیسرائیلەوە وتی: هەردوو لا لە جەنگەگە
ماندوو بوون و خۆیان داوای ئاگربەستیان کرد.
سەرۆکی
ئەمریکا دەڵێت، بەو هێرشەی کردیانە سەر هەرسێ بنکەی ئەتۆمی فۆردۆ، نەتەنز و
ئیسفەهان لە ئێران، پرۆگرامی ئەتۆمی وڵاتەکەیان چەندین دەیە گەڕاندووەتەوە دواوە،
هەروەها جارێکی دیکە جەختی لەوە کردەوە کە نابێت ئێران ببێتە خاوەن چەکی ئەتۆمی.
ترەمپ دەڵێت،
پووتین پەیوەندی پێوە کردووە و داوای کردووە لە جەنگەکە نێوەندگیری بکات، بەڵام
ترەمپ پێی وتووە، تۆ ئاگات لە ڕووسیا بێت.
هەروەها
ترەمپ ئاشکرای کرد، هەفتەی داهاتوو لەگەڵ ئێران گفتوگۆ دەکەن و ڕەنگە ڕێککەوتنێک
واژۆ بکەن.