سەرۆک کۆمارو سەرۆکی ئەنجومەنی باڵای دادوەری کۆبوونەوە
08:33 - 17/06/2025
زەمەن
پرێس:
سەرۆک
کۆماری عێراق لە بەغدا لەگەڵ سەرۆکی ئەنجومەنی باڵای دادوەری دادوەر فائق زەیدان
کۆبووەوە.
بەپێی
راگەیەندراوی سەرۆکایەتى کۆمار، لەکۆبوونەوەکەدا چۆنیەتی هەماهەنگی هاوبەشی نێوان
سەرۆکایەتی کۆمار و دەزگاکانی دادوەری و جێبەجێکردن تاوتوێکران.
سەرۆک کۆمار جەختی لەسەر پێویستی پاراستنی گیانی
هاوکاری بەردەوام لەنێوان دەسەڵاتی دادوەری و تەواوی دامودەزگاکانی دەوڵەت کردوەتەوە
بۆ بەشداریکردن لەپێشکەشکردنی باشترین خزمەتگوزاری بەهاوڵاتیان.
هاوکات
ستایشی هەوڵەکانی سەرۆکی ئەنجومەنی باڵای دادوەری کرد لەپاڵپشتیکردنی کاری
دامودەزگاکانی دەوڵەت و بەرزکردنەوەی ئەدای دامودەزگاکانی دادوەری بۆ ئەوەی بتوانن
ئەرکەکانیان لەخزمەتی کۆمەڵگادا جێبەجێ بکەن.
لای
خۆیەوە دادوەر زەیدان پێزانینی خۆی بۆ سەرۆک کۆمار دەربڕی بۆ بایەخدان بە
دامەزراوەی دادوەری و پشتیوانیکردنی هەوڵەکانی بەشێوەیەک کە خزمەت بەچەسپاندن و
جێبەجێکردنی یاسا و بەدیهێنانی دادپەروەری بکات.