نرخی بەنزین هەرزان دەبێت
05:36 - 05/09/2024
زەمەن - کوردستانى
وەزیری سامانە سروشتییەکان بە مەبەستی دابینکردنی بەنزینی پێویست و زیادکردنی خستنەڕووی لە بازاڕەکانی هەرێمدا، لە فەرمانێکی وەزاریدا ڕێگەپێدانی بۆ هاوردەکردنی بەنزینی بازرگانی لە بازگەکانی نێوان حکوومەتی هەرێم و حکوومەتی فیدراڵ دەرکرد.
ئەمڕۆ کەمال محەممەد ، وەزیری سامانە سروشتییەكان بە مەبەستی دابینکردنی بەنزینی پێویست و زیادکردنی خستنەڕووی لە بازاڕەکانی هەرێمدا، ڕێگەپێدانی بۆ هاوردەکردنی بەنزینی بازرگانی لە بازگەکانی نێوان حکوومەتی هەرێم و حکوومەتی فیدراڵ دەرکرد.
لە نووسراوەکەی وەزارتدا هاتووە، مەرجی هاوردەکردنی بەنزین، دەبێت بەپێی رێنمایی و ئەو کوالێتییە بێت کە لە لایەن لێژنەکانی بەڕێوەبەرایەتیی نەوت، کانزاکان و پارێزگاکان دیاری کراوە.
