بەهۆی گەرماوە رۆژێک پشوو راگەیەندرا
06:23 - 08/07/2024
زەمەن - عێراقی
بەهۆی بەرزبوونەوەی پلەکانی گەرماوە رۆژی پێنجشەممە لە یەکێک لە پارێزگاکانی عێراق کرایە پشووی فەرمی.
ئەسعەد عیدانی پارێزگاری بەسڕە لە راگەیەندراوێکدا ئاماژەی بەوەکرد، رۆژی پێنجشەممە 11ی تەمموز، لە سەرجەم دامودەزگاکانی سنووری پارێزگاکە پشووی فەرمی دەبێت.
لە راگەیەندراوەکەدا باس لەوەشکراوە، هۆکاری پشووەکە دەگەڕێتەوە بۆ بەرزبوونەوەی پلەکانی گەرما لەو رۆژەدا، کە بەپێی پێشبینییەکانی 50 پلە تێدەپەڕێنێت.