لەبارەی هێرشەکانی ئێرانەوە کۆمەڵە راگەیەندراوێکی بڵاوکردەوە
02:50 - 11/07/2019
266 جار خوێندراوەتەوە
"زەمەن"
دوایی تۆپارانکردنی بارەگاکانیان لە لایەن
ئێرانەوە، دوا نیوەڕۆی ئەمڕۆ کۆمەڵە لە راگەیەندراوێکدا برینداربونی دوو پێشمەرگەی
راگەیاند.
لە راگەیەندراوەکەدا هاتوە کە
تۆپبارانکردنەکە نزیکەی کاتژمێر و نیوێکی خایاندوە و لە ئەکامدا دوو پێشمەرگە
بریندرابوون و برینی یەکێکیان قورسە و لەژێر چاودێری پزیشکیدایە.
دەقی راگەیەندراوەکە:
راگەیاندنی ژمارە ٤ی ستادی نیزامیی کۆمەڵە لەبابەت
تۆپبارانەکانی ئەمرۆی سپای پاسدارانی ئیسلامی ئێران بۆسەر بنکە و بارەگاکانی کۆمەڵە
جەماوەری تێکۆشەری کوردستان!
دۆستان و دلسۆزانی کۆمەڵە!
بەمجۆرە ئاگادارتان دەکەینەوە کە لە درێژەی
تۆپبارانەکانی سپای پاسدارانی کۆماری ئیسلامیدا بۆ سەر بنکە و بارەگاکانی حیزبەکانی
کوردستانی ئێران لە ناوچە سنوورییەکان پێش نیوەرۆی ئەمرۆ پێنج شەممە٢٠ی پووشپەر و بۆ رۆژەی دووهەم
فرۆکە بێ فرۆکەوانەکانی سپای پاسداران بنکەیەکی هێزی سەرسنووری کۆمەڵەیان لە دۆڵی
رۆست لە ناوچەی باڵەکایەتی بۆردمان کرد.
لە ئاکامی ئەم بۆردمانەدا کە ماوەی زیاتر لە
کاتژمێر و نیوێکی خایاند بێجگە لە زەرەروزیانی ماڵی دوو پێشمەرگەی قارەمانی کۆمەڵە
بریندار بوون کە بەداخەوە برینی یەکێک لە هاورێیانمان قورسە و ئێستا لە ژێر چاودێری
پزیشکی دایە.
ستادی نیزامیی کۆمەڵە
٢٠ی پووشپەری ١٣٩٨ی هەتاوی