سامانه سروشتیه‌كان: به‌غدا 60 ته‌نكه‌ر نه‌وت ده‌نێرێت و بێ به‌رامبه‌ر دابه‌شده‌كرێت
04:20 - 25/01/2023
"زەمەن"
وه‌زاره‌تی سامانه
سروشتیه‌كان رایگه‌یاند: حکومەتی عێراق كاروانێكی 60 تەنكەر بە بڕی 2 ملیۆن لیتر نەوتی سپی
لەسەرەتای هەفتەی داهاتوو دەنێرێتە هەرێمی كوردستان.
له راگه‌یه‌ندراوێكدا
ئه‌مڕۆ چوارشه‌ممه، وەزارەتی سامانە سروشتییەكان ئاماژه‌ی به‌وه‌كردووه ئەم بڕە
نەوتە بە هەماهەنگی لەگەڵ پارێزگاكان و ئیدارە سەربەخۆكاندا بێ بەرامبەر دابەش دەكرێت
و 30 تەنكەری بۆ پارێزگای هەولێرو دهۆك و هەردوو ئیدارەی سەربەخۆی سۆران و زاخۆیە
و 30 تەنكەری دیكەی نەوتی سپی بۆ پارێزگاكانی سلێمانی و هەڵەبجە و هەردوو ئیدارەی
سەربەخۆی گەرمیان و راپەرین دەبێت .
وه‌زاره‌ته‌كه ده‌ڵێت چاوەڕوان
دەكرێت دوای هاتنی ئەو بڕە نەوتە راستەوخۆ نرخی بەهای نەوتی سپی لەبازاڕەكانی كوردستاندا
روو لە دابەزین بكات و پرۆسەی دابەشکردنی نەوتی سپی خێراتر بکات.