بە موشەك هێرش کرایە سەر کێڵگەی غازی کۆرۆمۆر لە چەمچەماڵ
05:14 - 22/06/2022
زەمەن_چەمچەماڵ
کەمێک لەمەوبەر بە موشەك هێرش
کرایە سەر کێڵگەی غازی کۆرۆمۆر لە چەمچەماڵ و باس لە بوونى برینداردەکرێت.
سدیق محەممەد، بەڕێوەبەری ناحیەی قادر کەرەمى سەر بە چەمچەماڵ رایگەیاند، کاتژمێر 16:45 هێرشی مووشەکی کراوەتە سەر کێڵگەی بەرهەمهێنانی گازی کۆرمۆر کە کۆمپانیای دانەگاز کاری تێدا دەکات، بەڵام تاوەکو ئێستا دیار نییە چەند مووشەک ئاراستەی ناوچەکە کراون.
وتیشی: تا ئێستا دیار نیە جۆری هێرشەکە چیە، بەڵام هێزەکانی ئاسایش و دژە تیرۆر لە شوێنی رووداوەکەن و لێکۆڵینەوە دەکەن.
بەپێى زانیارییەکان، بەهۆى هێرشەکەوە، کەسێک برینداربووە.