پارێزگاری دیالە هۆكاری شەهیدكردنی ۱۱ سەربازەكەی عوزێم ئاشكرادەكات
02:44 - 21/01/2022
196 جار خوێندراوەتەوە
زه‌مه‌ن - عێراقی
پارێزگاری دیاله،
ئەمڕۆ هەینی وردەکاری تەواوی شەهیدكردنی 11 سەربازەكەی لە عوزێم ئاشكرا كرد.
موسەننا تەمیمی
بە ئاژانسی هەواڵی عێراقی راگەیاند: له‌ناوچه‌یه‌كی
عوزێم كە دەكەوێتە ناوچەی نێوان سنوی پارێزگای دیالە و سەڵاحەدین هێرشكرایە سەر ئەندامانی فرقەی یەك.
ئاماژەی بۆ ئەوەشكرد:
هۆکاری سەرەکی کەمتەرخەمی سەربازەكانە چونکە بارەگاکەیان قەڵایە و کامێرای حەراریی
و دووربینی شەوانیان هەیە و هەروەها بورجێکی کۆنکریتی چاودێریشیان هەیە.
به‌ره‌به‌یانی ئه‌مڕۆ لە خۆرئاوای شارۆچکەی عوزێم لە پارێزگای دیالە، تیرۆریستانی داعش پەلاماری سوپای عێراقیاندا و بەھۆیەوە ١١ سەربازی سوپا کوژران و چه‌ندینیش برینداربوون.
میدیاكانی عێراق بڵاویانكرده‌وه كه بەھۆی پەلامارەکەی داعشه‌وه؛ ئه‌فسه‌رێك و ١٠ سەربازی عێراق کوژران و ژمارەیەکیشان بریندار بوون، دواتر ھێزی پشتیوانی سوپای عێراق چوونە شوێنی رووداوەکە و تیرۆریستانی داعش بەرەو شوێنێکی نادیار ھەڵاتن.
روداوه‌كه لە نێوان گوندی تاڵیعە و ئوم کەڕامی لە شارۆچکەی عوزێمی سەر بە پارێزگای دیالە رویداوه‌و، تیرۆریستانی داعش بە چەکی قەناس و مامناوەند پەلاماری فەوجی یەکی لیوای دووی سوپای عێراقیاندا.
له‌دوای كۆتایپێهێنانی داعش له‌عێراق له ساڵی 2015وه، ئه‌وه گه‌وره‌ترین گورزه، كه تیرۆریستانی داعش، له سوپای عێراق و هێزی پێشمه‌رگه‌ی بده‌ن.