ئەمڕۆ کۆبوونەوەیەکى "گرنگ" لە بارەى داهاتى هەرێمى کوردستان دەکرێت
11:10 - 19/12/2021
زەمەن_هەرێمى کوردستان
لیژنەی دارایی پەرلەمانی كوردستان، لەگەڵ وەزیرانی
دارایی و سامانە سروشتیەكان لەبارەى داهاتەوە كۆدەبنەوە.
ئەمرۆ یهكشهممه، لیژنەی دارایی پەرلەمانی كوردستان، دەچێتە ئەنجوومەنی وەزیران
و لەگەڵ وەزیرانی دارایی و سامانە سروشتییەكان بۆ گفتوگۆكردن لەسەر كێشەكانی كۆنەكردنەوەی
سەرجەم داھاتەكانی ھەرێمی كوردستان، كۆدەبنەوە.
بەپێى زانیارییەکان، لەم كۆبوونەوەیەدا گفتوگۆ لەسەر كێشەكانی بەردەم كۆكردنەوەی
سەرجەم داھاتەكان دەكرێت و دواتر ئەو داتا و وەڵامانەی لەلایەن وەزیرانی دارایی و
سامانە سروشتییەكانهوه دەدرێتە لیژنەكە، دەكرێتە راپۆرتێكی ورد و لە كۆبوونەوەی
پەرلەمانی كوردستان، لیژنەی دارایی دەیخوێنێتەوە و پەرلەمانتاران گفتوگۆی لەسەر دەكەن.
بڕیاریشە دوای كۆبوونەوەكە، لیژنەی دارایی راپۆرتێكی لەسەر ئامادە بكات
و یەكێك لە تەوەرەكانی كۆبوونەوەی داھاتووی
پەرلەمان گفتوكردنە لەسەر داھاتەكانی ھەرێمی كوردستان.