جیهان

داستانەکانی کچانی یەپەژە دەکرێنە زنجیرەی تەلەفیزیۆنی

05:58 - 26/01/2021 437 جار خوێندراوەتەوە

زه‌مه‌ن_جیهانی


داستانەکانی بە دەستی شەڕڤانانی پاراستنی ژنان (یەپەژە) لە شەڕی دژی داعش لە کۆبانی تۆمارکران، لەلایەن کۆمپانیای HiddenLight ی هێلاری کلنتن و کچەکەی بۆ بەرهەمهێنانی فیلمی دۆکۆمێنتاری دەکرێنە زنجیرەی تەلەفیزیۆنی.


هێلارری کلنتن وەزیری پـێشووی دەرەوەی ئەمەریکا هەواڵەکەی پشتڕاستکردووەتەوە و خۆشحاڵی خۆی لەم بارەیەوە دەربڕی و لەسەر تویتەرەکەی نووسیویەتی" ئەوپەڕی خۆشحاڵم بۆ یارمەتیدان لە بڵاوکردنەوەی چیرۆکی ئەم ژنە سەرسوڕهێنەرانە."


زنجیرە تەلەفیزیۆنیـیەکە بە پشت بەستن بە پەرتووکی کچانی کۆبانی The Daughters of Kobani بەرهەم دەهێنرێت کە لە نووسینی نووسەری بە ناوبانگی ئەمەریکایی خانم گێڵ زیمەک لێمنە Gayle Tzemach Lemmon .

کتێبەکە لەسەر بنەمای سەدان کاتژمێر لە چاوپـێکەوتن و ڕاپـۆرتی مەیدانی سەبارەت بە شەڕڤانانی یەپەژە نووسراوە. تیایدا باسدەکرێت چۆن بوێرانە ڕووبەڕووی داعش بوونەتەوە و کاریان کردووە بۆ یەکسانی لە نێوان ژن و پـیاودا و ئەمەش وایکرد ببنە جێی ڕێزی هێزەکانی ئەمەریکا، بۆیە زۆر پشتیوانیان لێکردوون.

بڕیارە کتێبەکە لە 16 ی مانگی دووی ئەمساڵ بڵاوبکرێتەوە.

هێلاری کلنتن لە لێدوانیدا بۆ ماڵپەڕی دێدلاین لەم بارەیەوە وتویەتی "کچانی کۆبانی" ڕۆمانێکی ئاسایی نیـیە لەسەر ژنانی بوێر و ئازا کە خەبات دەکەن لە پـێناو دادپەروەری و یەکسانی."

سۆشیال میدیا

ڕۆژنامەی زەمەن

Advertisement