بایدن داوای لێبوردنی كرد
05:26 - 23/01/2021
398 جار خوێندراوەتەوە
زەمەن_جیهانی
جۆ بایدن سەرۆکی
نوێی ئەمریکا داوای لێبوردنی کرد لەسەر ئەو وێنانەی كە تێیدا سەربازانی گاردی
نیشتمانی لەشوێنێکی وەستانی ئۆتۆمبێلی کۆنگرێسدا نووستبوون .
25 هەزار سەرباز لەواشنتۆن بۆ پاراستنی ڕێوڕەسمی
دەستبەکاربوونی سەرۆکی بڵاوەیان پێكرابوو، دوای توندوتیژییەكانی شەشی ئەم مانگە لە
کۆنگرێس.
ڕۆژی پێنجشەممه،
لە تۆڕەكۆمەڵایەتیەكان ژمارەیەك وێنە بڵاوكرانەوە كە تێیدا دەردەكەوێت سەربازەکان
له كەراجی ئۆتۆمبێل خەوتوون، دوای ئەوەی ئەندامانی كۆنگرێس گەڕابونەوە سەر
كارەكانیان.
خەوتنی سەربازەکان
بووە هۆی توڕەبوونی هەندێك لە سیاسەتمەداران، هاوکات ژمارەیەک لە حاكمی
ویلایەتەكان هێزە پاسەوانەكانیان بانگكردەوە بۆ بنكەكانیان.
بەپێی ڕاپۆرتە میدیاییەکانی
ئەمریکا ، سەرۆک بایدن بەتەلەفۆن قسەی لەگەڵ بەڕێوەبەری نووسینگەی پاسەوانی نیشتمانی
کردووە داوای لێبووردنی لێکردووە و داوای لێکردووە چی بکرێت بۆ راستكردنەوەی ئەوەی
روویداوە.
هاوكات خانمی یەکەم
جیل بایدن، سەردانی ژمارەیەک سەربازی كردووە و لە کۆشکی سپی شیرینی پێ بەخشیوون و
پێیوتوون: تەنیا ویستم سوپاسی هەمووتان بکەم کە پارێزگاریتان كردوە لە خۆم و خێزانەکەم.
زۆرێک لە
بەركاهێنەرانی تۆڕەكۆمەڵایەتیەكان، نیگەرانی خۆیان نیشاندابوو سەبارەت بەو بارودۆخەی
کە سەربازەکان تێیدابوون و دوکەڵی ئۆتۆمبێلیان هەڵمژیوە و تەوالێتیان نەبووە.
ڕۆژنامەی نیویۆرک
تایمزی ئەمریکی ڕایگەیاند، کە لە ڕۆژانی داهاتوودا 19 هەزار سەربازی پاسەوانی نیشتمانی
دەگەڕێنەوە بۆ ویلایەتەکانیان، حەوت هەزاریان لە پایتەخت دەمێننەوە.