داعش به‌رپرسیارێتی خۆی له ته‌قینه‌وه‌كانی به‌غدا راگه‌یاند
09:30 - 22/01/2021
98 جار خوێندراوەتەوە
زه‌مه‌ن_به‌غدا
رێكخراوی داعش شەوی رابردوو بەرپرسیارێتی خۆی لە هێرشە
خۆكوژییەكانی دوێنێ شاری بەغدا راگەیاند كه زیاتر له 100 كه‌س بوونه قوربانی.
شه‌وی
رابردوو، له به‌یاننامه‌كه‌دا، داعش بڵاویكرده‌وه، چه‌كدارێكیان به ناوی
"ئه‌بو یوسف ئه‌نساری" به پشتێنێكی بۆمبڕێژكراو خۆی له گۆڕه‌پانی
"طیران" ته‌قاندووه‌ته‌وه و دووه‌م ته‌قینه‌وه‌ش كه‌سێكی دیكه به
ناوی "محه‌مه‌د عارف ئه‌لموهاجیر" ئه‌نجامیداوه له هه‌مان شوێنی ته‌قینه‌وه‌ی
یه‌كه‌م.
پێشنیوەڕۆی
دوێنێ پێنجشەممە، دوو تەقینەوەی خۆکوژی لە گۆڕەپانی تەیەران لە بەغدا روویاندا و
به‌هۆیه‌وه 32 کەس گیانیان له‌ده‌ستدا و 110 كه‌سیش بریندار بوون و له‌نێویاندا،
كوردێكی خه‌ڵكی پارێزگای دهۆك گیانی له‌ده‌ستدا.
شەوی رابردوو مستەفا كازمی سەرۆك وەزیران و فەرماندەی
گشتی هێزە چەكدارەكانی عێراق، ژمارەیەك فەرماندە و بەرپرسی ئەمنی و سەربازی لە
پۆستەكانیان دوورخستەوە لە كاردانەوەی هێرشەكاندا.