کوردستان

پۆلیس دوایین زانیاری له‌باره‌ی ڕوداوی مردنی گەنجەكەی سیتەك ئاشكرا ده‌كات

12:08 - 21/01/2021 2664 جار خوێندراوەتەوە

زه‌مه‌ن_سلێمانی

شه‌وی رابردوو، لە یەكێك لە باخەكانی سیتەك له‌ سنوری پارێزگای سلێمانی، بەهۆی غازی زۆپاوە، گه‌نجێك گیانی لەدەستدا و "كچێكی هاوڕێشی" بارودۆخی تەندروستی تێكچوو، پۆلیس دوایین زانیارییه‌كان له‌سه‌ر روداوه‌كه‌ ئاشكرا ده‌كات.


سەركەوت ئەحمەد، به‌ڕێوه‌به‌ری راگه‌یاندن و په‌یوه‌ندییه‌كانی به‌ڕێوه‌به‌رایه‌تی پۆلیسی پارێزگای سلێمانی ئه‌مڕۆ پێنجشه‌ممه‌، به‌ "زه‌مه‌ن"ی راگه‌یاند، شەوی ڕابردوو كچ و كوڕێك لە یەكێك لە باخەكانی سیتەك تووشی حاڵەتێكی نەخوازراوبوون، بەهۆی غازی زۆپاوه‌، كوڕەكە گیانی لەدەستدا و كچەكەش ڕەوانەی نەخۆشخانە كرا".

وتیشی، وتە لە كچەكە وەرگیراوە و ڕوداوەكە لە ئەنجامی كەمتەرخەمی هەردوولا بووە كە نەیانزانیوە زۆپاكە بەوجۆرە غاز دەكات، به‌وهۆیه‌وه‌ غاز لێی داون و كوڕه‌كه‌ گیانی له‌ده‌ستداوه‌.

سه‌ركه‌وت ئه‌حمه‌د ئاشكرایكرد كه‌ خانەوادەی كوڕ و كچەكە یەكتری دەناسن، كەس سكاڵای له‌سه‌ر ئه‌و روداوه‌ تۆمار نەكردووە.

سۆشیال میدیا

ڕۆژنامەی زەمەن

Advertisement