زەمەن هۆکاری بەشدارینەکردنی عەلی باپیر لە کۆبوونەوەی کازمی ئاشکرادەکات
01:43 - 11/09/2020
2925 جار خوێندراوەتەوە
"زەمەن"
بەبیانووی ئەوەی
کۆبوونەوەکەی ئەمڕۆی مێرگەپان قەرەباڵخە، عەلی باپیر، ئەمیری كۆمەڵی ئیسلامی
كوردستان بەشداری كۆبونەوەی سەرۆكوەزیرانی عێراق و لایەنە سیاسییەكانی هەرێم ناكات.
عەبدولستار مەجید سەرۆكی
فراكسیۆنی كۆمەڵی ئیسلامی لە پەرلەمانی كوردستان بە "زەمەن"ی راگەیاند، "مامۆستا
عەلی باپیر بانگهێشتكراوە بۆ كۆبونەوەكە بەڵام ناچێت و بەشداری ناكات".
سەبارەت بە هۆكاری بەشدارینەكردنی ئەمیری كۆمەڵی ئیسلامی لە كۆبونەوەكەدا رایگەیاند، "مامۆستا وتویەتی
لە ئایندەیەكی نزیكدا لەم چەند هەفتەی داهاتوودا سەردانی بەغدا دەكەم و بەتایبەت دەیبینم،
بەڵام ئەوەی ئەمڕۆ كۆبونەوەی حزبەكانە و قەرەباڵخە."
مستەفا کازمی، سەرۆکوەزیرانی
عێراق بە سەردانێکی دوو رۆژە لە هەرێمی کوردستانە و دوای سەردانکردن و کۆبوونەوە لەگەڵ
سەرۆکی هەرێم و حکومەت و بەرپرسانی هەولێر، ئێستا لە پارێزگای سلێمانییە و بڕیارە
زنجیرەیەک کۆبوونەوە بکات.