تورکیا بەردەوامە لە بۆردومان کردنی سەرێکانی
09:47 - 18/10/2019
"زەمەن"
بەیانی ئەمڕۆ تۆپخانەکانی سوپای تورکیا دەستیانکردەوە
بە بۆردومان کردنی سەرێکانی و ئەمە لەکاتێکدایە شەوی ڕابردوو لەکۆنگرەیەکی
ڕۆژنامەوانیدا مایک پێنیس جێگری سەرۆکی ویلایەتە یەکگرتوەکانی ئەمریکا ئاگربەستی
ڕاگەیاند.
بەیانی ئەمڕۆ هەینی تورکیا دەستی کردەوە بە
تۆپبارانکردنی سەرێکانی و تائێستاش بۆردومانەکان بەردەوامە، هەرچەندە بڕیاری
ئاگربەست و ڕاگرتنی هێرشەکانی تورکیا بۆ سەر ڕۆژئاوای کوردستان دراوە.
هاوکات هێزەکانی سوریای دیمەوکرات لە
بەرگریدان بۆ پاراستنی شارەکە لە هێرشەکان و چونە ژورەوەی سوپای تورکیا بۆ ئەو
شارە.
ئەمە لەکاتێکدایە ، ئێوارەی دوێنێ لەدوای
کۆبونەوەی نێوان جێگری سەرۆکی ئەمریکا مایک پێنیس لەگەڵ ڕەجەب تەیب ئەردۆغان
لەکۆنگرەیەکی ڕۆژنامەوانیدا مایک پێنیس ڕاگرتنی شەڕو ئاگربەستی بۆ ماوەی ١٢٠
کاتژمێر ڕاگەیاند.