هەواڵ

سەرۆکى ئەنجومەنى وەزیران زیاتر لە هەزار هەلى دامەزراندن رادەگەیەنێت

09:54 - 07/10/2019 686 جار خوێندراوەتەوە

"زەمەن"


بە بڕیاری سەرۆک وەزیرانی عێراق زیاتر لە هەزار کەس لە خاوەن بڕوانامە باڵاکان دادەمەزرێنێت و ئەوەش لە چوارچێوەی بەڵێنەکانیدا بە خۆپیشاندەران.

ئەمینداری ئەنجوومەنی وەزیرانی عێراق ئاشکرایکردووە " عادل عەبدولمەهدى، سەرۆکوەزیرانى عێراق بڕیاری دامەزراندنی هەزار و ٣٤٤ کەس لە خاوەن بڕوانامە باڵاکانى دەرکردووە بۆ دامەزراندن لە هەموو وەزارەتەکان".

 ئەم بڕیارەی ئەنجوومەنی وەزیرانی عێراق لە کاتێکدایە پێشتریش لە چوار چێوەی بەڵێنەکان بە خۆپیشاندەران بڕیاری دابەشکردنی زەوی و بڕینەوەی موچە بۆ بێکاران دەرکرابوو.

لە سەرەتاى ئەم مانگەوە دژى گەندەڵى و بێکارى خۆپیشاندان بەشێک لە پارێزگاکانى عێراقى گرتەوە و بەگوێرەى دوایین ئامار كە لە لایەن وەزارەتی ناوخۆی عێراقەوە بڵاوكراوەتەوە، ژمارەی ئەو كەسانەی كە لە خۆپیشاندانەكاندا كوژراون، گەیشتووەتە ١٠٤ كەس، هەروەها شەش هەزار و ١٠٧ كەسی دیكە برینداربوون.

سۆشیال میدیا

ڕۆژنامەی زەمەن