د. هەڤاڵ ئەبوبەکر: داوام لە ئێران کرد هێرش و بۆردومانەکان بۆ سەر هەرێم و سلێمانی رابگرێت
04:52 - 17/05/2026
زەمەن – هەواڵ
پارێزگاری سلێمانی دەڵێت؛ داوام لە ئێران کرد کە
هێرش و بۆردومانە سەربازییەکان بۆ سەر هەرێمی کوردستان و سنوری پارێزگای سلێمانی
رابگیرێت.
ئەمڕۆ، د.هەڤاڵ ئەبوبەکر پارێزگاری سلێمانی، لە
دیوانی پارێزگادا، پێشوازیکرد لە سەید محەمەدی میر حوسەینی کونسوڵی نوێی کۆماری ئیسلامیی
ئێران لە سلێمانی و وەفدی هاوڕێی.
لە دیدارێکدا گفتوگۆ لەسەر پتەوکردنی پەیوەندییە
ئابوریی و بازرگانیی و کولتورییەکان کرا.
پارێزگاری سلێمانی داوایکرد، هێرش و بۆردومانە
سەربازییەکان بۆ سەر هەرێمی کوردستان و سنوری پارێزگای سلێمانی رابگیرێت، رەوشە
نائاساییەکانی ماوەی جەنگ، ئاسایی بکرێنەوە.
د. هەڤاڵ ئەبوبەکر ئەوەشی خستەڕوو، هەرێمی
کوردستان کە سیاسەتی بێلایەنیی پەیڕەو کردووە، نابێت بکرێتە بەشێک لە جەمسەری شەڕو
ململانێ ناوچەیی و نێودەوڵەتییەکان.
