لە سەرەتای مانگی داهتووەوە کۆتایی بە وشکە ساڵی دێت
01:33 - 27/11/2025
زەمەن _ هەرێمی کوردستان
شارەزایەکی کەشناسی ڕایگەیاند: شەپۆلێکی بارانبارین ڕوو لە هەرێمی کوردستان دەکات و مانگی داهاتوو کۆتایی بەم کەشە وشکە دێت.
ئەمڕۆ پێنجشەممە، ٢٧ی تشرینی دووەمی ٢٠٢٥، شاڵاو هیدایەت، شارەزای کەشناسی ئاشکرایکرد، شەپۆلی باشی بارانبارین بۆ سەرەتای مانگی داهاتوو بەڕێوەیە و لە مانگی ١٢شەوە کۆتایی بە کەشی وشک و کەمبارانی و بێبارانی دێت و لە تەواوی ناوچە جیاوازەکانی هەرێمی کوردستان پەڵەدەدات، بۆ کۆی وەرزی زستانیش زستانێکی پڕبارانمان لەپێشە.
هاوکات، دەستەی کەشناسیی عێراق پێشبینییەکانی کەشوهەوای بڵاوکردەوە ئاماژەی بەوەداوە، و سبەی هەینی کەشوهەوا ئاسایی دەبێت و ئاسمانیش نیمچەهەور دەبێت، ڕۆژی شەممەش ئاسمان بەتەواوی هەور دەبێت پلەکانی گەرماش بە نزمی دەمێننەوە.
لەبارەی ڕۆژی یەکشەممەوە دەستەکە ئاشکرایکردووە، ئاسمان هەوری تەواو دەبێت و بارانبارین ڕوو لە بەشێکی ناوچەکان دەکات و لەهەرێمی کوردستانیش باران دەبارێت پلەکانی گەرماش دادەبەزن.