په‌یامێكی توند له قوباد تاڵه‌بانی یه‌وه
11:22 - 27/11/2025
زه‌مه‌ن - هه‌واڵ
قوباد تاڵه‌بانی ئه‌مڕۆ پێنجشه‌ممه له په‌یامێكدا له‌باره‌ی
هێرشکردنەسەر کێڵگەی گازی کۆرمۆر، ڕایگه‌یاند، "تاوانێکی تیرۆریستی گەورە و بە
ئامانجگرتنی ژیان و گوزەرانی رۆژانەی خەڵک و ژێرخانی ئابوریی کوردستان و هەمو عێراقە،
چەند بارەبونەوەی ئەم جۆرە هێرشانە بۆ سەر ژێرخانی ئابوریی کوردستان پەرەسەندنێکی
مەترسیدارە و پێویستی بە هەنگاویی کردەییە".
ئاماژه‌ی به‌وه‌شكردوه، ئەرکی حکومەتی فیدڕاڵە بە خێرایی بکەران
و ئەوانەی لە پشت ئەم هێرشەوەن بۆ رای گشتی ئاشکرا بکات و روبەڕوی سزا و لێپرسینەوەی
یاساییان بکاتەوە.
قوباد تاڵه‌بانی باسی له‌وه‌كردوه، "جەخت دەکەینەوە بەردەوامی
ئەم جۆرە هێرشانە لەلایەن گروپ و هێزی دەرەوەی دەوڵەت چیتر قبوڵکراونییە و ناسەقامگیریی
سیاسی و ئەمنی لێ دەکەوێتەوە، هەربۆیە هەنگاوی سەرەکیی حکومەتی داهاتوی عێراق دەبێت
کۆتاییهێنان بەم دۆخە و سزادان و کۆکردنەوەی گروپ و هێزە چەکدارەکانی دەرەوەی دەوڵەت
بێت".
دره‌نگانی شه‌وی ڕابردو دو هێرشكرایه سه‌ر كێڵگه‌ی غازی كۆرمۆر
به‌ڵام یه‌كێك له هێرشه‌كان ئامانجه‌كه‌ی نه‌پێكا و هێرشه‌كه‌ی دیكه‌شیان كۆگایه‌كی
غازی كردوه‌ته ئامانج و ئاگرێكی گه‌وره‌ی لێكه‌وته‌وه.