كۆمەڵی دادگەریی بە دروشمی (لەگەڵتاندا ڕاستگۆین) بانگەشە دەست پێ بكات
08:35 - 04/10/2025
زەمەن پرێس:
كۆمەڵی
دادگەریی كوردستان بڕیاریدا بە دروشمی (لەگەڵتاندا ڕاستگۆین) لە هەفتەی ئایندەوە
هەڵمەتی بانگەشەی خۆی بە فەرمی دەست پێ بكات.
سەركردایەتیی
كۆمەڵی دادگەریی كوردستان كۆبوونەوەی نائاسایی ئەنجامداو درووشمی حزبەکەی بۆ
هەلبژاردنی ئەمجارەی پەرلەمانی عێراق دیاری کرد و دەڵێت: كۆمەڵی دادگەریی كوردستان
بڕیاریدا بە دروشمی (لەگەڵتاندا ڕاستگۆین) لە هەفتەی ئایندەوە هەڵمەتی بانگەشەی
خۆی بە فەرمی دەست پێ بكات.
لە
راگەیەندراوی کۆبوونەوەکەدا هاتووە: ئەمڕۆ شەممە لە شاری هەولێر، سەركردایەتیی
كۆمەڵی دادگەریی كوردستان بە سەرپەرشتیی بەڕێز مامۆستا عەلی باپیر، سەرۆكی كۆمەڵی
دادگەریی كوردستان، كۆبوونەوەی نائاسایی بەڕێوە برد. لە كۆبوونەوەكەدا
سەركردایەتیی كۆمەڵی دادگەریی كوردستان هەڵوەستەی لەسەر ئەم خاڵانەی خوارەوە
كرد:
کۆمەڵی دادگەری دەڵێت:
سەركردایەتیی كۆمەڵ بە نیگەرانییەوە لە دۆخی ئابووری و دارایی خەڵکی هەرێمی كوردستان
دەڕوانێت، بەتایبەت دواخستنی ناردنی (١٢٠ ملیار) دینار لە داهاتی ناوخۆ بۆ
وەزارەتی دارایی فیدراڵ كە بووەتە هۆی دواكەوتنی مووچەی مانگی هەشت و مانگەکانی
دواتری مووچەخۆران کە بێجگە لەوەی ستەمە لە مووچەخۆران بووەتە هۆی خراپیی دۆخی
بازاڕ و ژیان و گوزەرانی خەڵکیش بەشێوەیەکی گشتی.
ئاماژەی بەوەشکردوە، سەركردایەتیی
كۆمەڵی دادگەریی هیوای خواست هەڵبژاردنی ئەنجوومەنی نوێنەرانی عێراق لە وادەی
خۆیدا بەڕێوە بچێت و هەموو لایەنەكان پابەندی یاسا و ڕێنماییەكانی كۆمسیۆنی باڵای
سەربەخۆی هەڵبژاردنەكان بن و هەڵمەتێكی ئارام بەڕێوە بەرن.
كۆمەڵی داگەریی
كوردستان دژی بەكارهێنانی سەروەرت و سامانی گشتییە بۆ بانگەشە لەلایەن لایەنەكانی
دەسەڵاتەوە، پێی وایە ئەمە دوو جار ستەمە لە خەڵكی كوردستان، جارێك خراپ
سوودوەرگرتن و جارێكیش بەكارهێنانی ماڵ و دارایی گشتیی بۆ چەواشەكردنی دەنگدەران.
لە راگەیەندراوەکەدا باس
لەوە کراوە، كۆمەڵی دادگەریی كوردستان بڕیاریدا بە دروشمی (لەگەڵتاندا ڕاستگۆین)
لە هەفتەی ئایندەوە هەڵمەتی بانگەشەی خۆی بە فەرمی دەست پێ بكات، بۆیە داوا لە
ئەندام و لایەنگرانمان دەكەین بە گیانێكی مسوڵمانانە و نیشتمانییانە هەڵمەتی
بانگەشەی لیستی (285)ی كۆمەڵی دادگەریی كوردستان بەڕێوە بەرن.
هەروەها سەركردایەتیی
كۆمەڵی دادگەریی كوردستان داوا لە هاووڵاتیانی كوردستان دەكات هەڵبژاردنی
ئەنجوومەنی نوێنەرانی عێراق بە دەرفەت بزانن بۆ سزادانی ئەوانەی نوێنەرایەتیی
هەرێمی كوردستانیان بۆ بەرژەوندیی حزبی خۆیان بەكار هێناوەو لە ساڵانی ڕابردوودا
نەیانتوانیوە مووچە و مافە دارایی و ئابووری و نیشتمانییەكانی خەڵكی كوردستان
دەستبەر بكەن.
لە
کۆتاییدا کۆمەڵی دادگەری جەختی لەوە کردوەتەوە، كۆمەڵی دادگەریی كوردستان پشتگیری
لە هەر ڕێككەوتنێك دەكات ببێتە هۆی لادانی ستەم لەسەر گەلی فەڵەستین و دابنیكردنی
مافە ڕەواكانیان.