ئەنجومەنى وەزیرانى عێراق بڕیار لە ناردنى مووچە دەدات
09:02 - 13/08/2025
زەمەن پرێس:
سەرچاوەیەك لە
حكومەتی عێراق رایدەگەیەنێت، دوای رێككەوتنی نەوت؛ وەزارەتی دارایی هەرێم بڕی
(120) ملیار دیناری داهاتە ناوخۆییەکان دەگوازێتەوە بۆ بەغداد، لە دانیشتنی رۆژی
یەك شەممەدا بڕیاری لە ناردنی موچەی فەرمانبەرانی هەرێم دەدات
ماڵپەڕی "بەغداد
ئەلیەوم" لە زاری سەرچاوەیەکی حکومەتی عێراقەوە بڵاویكردووەتەوە: ئەنجومەنی
وەزیران لە دانیشتنی یەک شەممەی داهاتوو، بڕیاری خەرجکردنی موچەی فەرمانبەران بۆ
مانگی حوزەیران دەدات، دوای ئەوەی هەرێم بڕی (120) ملیار
دینار لە داهاتە ناوخۆییەکانی رەوانەی بەغداد دەكات.
ئەو سەرچاوەیە
ئاماژەی بەوەشكردووە: دوای رێککەوتنی تەواوەتی لە نێوان وەزارەتی سامانە
سروشتیەکانی حکومەتی هەرێمی کوردستان و وەزارەتی نەوتی عێراق و واژۆکردنی
رێککەوتنەکە، نەوتەكە بووەتە پشکی کۆمپانیای سۆمۆ، وادەی دەستپێکردنەوەی
هەناردەکردن دەمێنێتەوە كە لە ئەستۆی بەغدادو ئاستی خێرایی گەیشتنێتی بە رێککەوتن
لەگەڵ لایەنی تورکی.
وتوشیەتی: وەزارەتی
دارایی هەرێم بڕی (120)ملیار دینار لە داهاتە ناوخۆییەکان دەگوازێتەوە بۆ بەغداد،
دوای ئەوە ئەنجومەنی وەزیران لە دانیشتنی رۆژی یەکشەممەدا بڕیار دەدات راستەوخۆ
موچەی فەرمانبەران بۆ مانگی حوزەیران خەرج بکات.