عێراق ئەنجامی لێکۆڵینەوە لە هێرشەکەی کێڵگەی کۆرمۆر رادەگەیەنێت
09:10 - 30/11/2025
زەمەن پرێس:
وتەبێژی وەزارەتی ناوخۆی عێراق رایدەگەیەنێت، لیژنەی
لێكۆڵینەوە لە هێرشەكەی سەر كێڵگەی كۆرمۆر كارەكانی تەواو كردووە و لە چەند رۆژی
داهاتوودا ئەنجامەکانی بڵاودەکرێتەوە.
ئەمڕۆ میقداد میری، بەڕێوەبەری راگەیاندن و پەیوەندییە
گشتییەکان لە وەزارەتی ناوخۆی عێراق رایگەیاند، لیژنەی لێکۆڵینەوە لە هێرشەکەی سەر
کێڵگەی نەوتی کۆرمۆر لە سلێمانی کارەکانی تەواوکردووە، لە چەند رۆژی داهاتوودا
ئەنجامەکانی بڵاودەکرێتەوە.
ئاماژەی بەوەشکردووە، لیژنەی بەدواداچوون بۆ
رووداوی کۆرمۆر سەردانی پارێزگاری سلێمانی و كێڵكگەیان کرد، بە ئامادەبونی سەرجەم
ئەندامانی لیژنەکە، فەرماندەی گشتی هێزە چەکدارەکانیش لە نزیکەوە چاودێری ئەدای
لیژنەکە و کارەکانی دەکات.
وتیشی، لیژنەکە کارەکانی تەواوکردووە و لە
قۆناغێكی پێشکەوتوودایە، ئەنجامی لێکۆڵینەوەکان دوای پەسەندکردنی رادەگەیەندرێت.
میقداد میری جەختیشیكردووە، لە چەند رۆژی داهاتوودا
ئەنجامی لێکۆڵینەوەکان لە رووداوەکەی کۆرمۆر بڵاودەکرێتەوە، هەر ئەنجامێك یان
لێدوانێک لەم کاتەدا درابێت نادروستە.ا