وەزارەتی پەروەردە بۆ پۆلی ٩ و ١٢ روونكردنەوەیەكی بڵاوكردەوە
09:16 - 11/08/2025
زەمەن پرێس:
وەزیری پەروەردەی هەرێم روونكردنەوەیەك دەربارەی هەڵسەنگاندنی
قوتابخانەکان، كە پۆلی نۆی بنەڕەتی و ١٢ـی ئامادەییان هەیە بڵاودەكاتەوە و دەڵێت،
لە ئێستاوە هەموو ناوەندەکانی خوێندن دەتوانن ئەنجامی هەڵسەنگاندنی دەرەکی ساڵی
خوێندنی ٢٠٢٤ بۆ ٢٠٢٥ لە ئەپڵیکەیشنی (ئی – هەڵسەنگاندن) ببینن.
ئەمڕۆ ئالان حەمەسەعید، وەزیری پەروەردەی
هەرێم لە روونكردنەوەیەكدا دەڵێت، لیژنەی باڵای هەمیشەیی تاقیکردنەوە گشتییەکان
تایبەت بوو بە تاقیکردنەوەی نیشتیمانی پۆلی ٩ـی بنەڕەتی و تاقیکردنەوەی وەزاری
پۆلی ١٢ـی ئامادەیی، وەزارەت پۆلێنبەندی و شیکاری ئەنجامدا بۆ هەموو ئەو
قوتابخانانەی کە پۆلی نۆیەمی بنەرەتیان هەبوو.
ئاماژەی بەوەشکرد، لێرەوە ئەو ئەنجامانە بۆ هەموو قوتابخانەیەک
ڕادەگەیەنین لەناو ئەپڵیکەیشنی ( ئی – هەڵسەنگاندن) .
دەشڵێت، دوای تاقیکردنەوەکانی خولی دووەمی پۆلی ١٢ـی ئامادەیی بەهەمان
شێوە شیکاریی و پۆلێنبەندی بۆ ئەنجامەکانی هەموو ئەو قوتابخانانە دەکرێت کە پۆلی
١٢ـی ئامادەییان هەیە.
وەزیری پەروەردە باسی لەوەشکردوە، لە هەمانکاتدا لەئێستاشەوە هەموو ناوەندەکانی
خوێندن دەتوانن ئەنجامی هەڵسەنگاندنی دەرەکی ساڵی خوێندنی ٢٠٢٤-٢٠٢٥ لە
ئەپڵیکەیشنی (ئی – هەڵسەنگان) ) ببینن.