تەنها مانگی ڕابردوو پێنج هەزار ژن و پیاو جیابونەتەوە
01:12 - 15/07/2025
زەمەن –
هەواڵەكان
ئەنجوومەنی باڵای
دادوەری، ئاماری ژمارەی هاوسەرگیریی و جیابوونەوەی هاوسەرانی بۆ مانگی حوزەیران بڵاوکردەوە.
ئەمڕۆ سێشەممە،
15ـی تەممووزی 2025، ئەنجوومەنی باڵای دادوەری ڕایگەیاند، لە مانگی حوزەیران دا، لە كەركوك و تەواوی پارێزگاکانی عێراق (جگە لە هەرێم) 28 هەزار و 222 گرێبەستی هاوسەرگیریی تۆمارکراوە،
بەڵام ڕێژەی جیابوونەوەی هاوسەران پێنج هەزار و 28 حاڵەت بووە.
ئاماژەی بەوەش
کرد، زۆرترین ڕێژەی جیابوونەوەی هاوسەران لە پارێزگای بەغدا بووە، کە 1725 حاڵەت
بووە، هەروەها کەمترین ڕێژەی جیابوونەوەی هاوسەرانیش لە پارێزگای موسەنا بووە کە تەنیا
90 حاڵەتی جیابوونەوە هەبووە.
ئەنجوومەنی باڵای
دادوەری باسی لەوەش کرد، زۆرترین گرێبەستی هاوسەرگیریی لە پارێزگای بەغدا بووە، کە
زیاتر لە هەشت هەزار گرێبەستی هاوسەرگیریی تۆمارکراوە، بەڵام کەمترینی لە پارێزگای
موسەنا بووە کە تەنیان 813 گرێبەستی هاوسەرگیریی تۆمار کراوە.
هەروەها لە مانگی
ئایاری ڕابردوو، شەش هەزار و 15 حاڵەتی جیابوونەوەی هاوسەران تۆمار کراوە، لە و
ژمارەیەش پشکی گەورە بەر پارێزگای بەغدا کەوتووە و لەدوای ئەویش پارێزگای بەسرە پلەی
دووەمی گرتووە.