بەس بە من بڵێن تاران بڕوخێ چ سودێکی بۆ کورد پێوەی؟
4/16/2026 9:50:00 AM
مەهدی کاوانی
ئەردۆگان لە بەردەم شاشەی تەلەفزیۆن ھەر ئەوڕۆکە
نیە بە دڵی ئیسرایل قسان ناکات دیارە ئەوانەی
کە لێرەو لەوێ لێدوان لە سەر نێوانی تورکیاو ئیسرایل قسان دەکەن ، تەماشای دەمی بەرپرسانی
تورکیاو ئیسرایل دەکەن و لە ڕوانگەیەوە لێدوان دەدەن .
بە ڕێکەوتنێکی سێ قوڵی ئیسرایل و ئەمەریکاو
تورکیا ڕژێمی بەشار ئەسەد ڕووخا و ئیسرایلیش ھەر لە کاتی ڕووخانەکە و بە بێدەنگی
تورکیا ھەر ھەموو ئالیاتی جەنگی پێشتری ڕژێمی بەشار ئەسەدیان تێک و پێک شکاند نەوەکا
لە دوا ڕۆژ تورکیاو چەتەکانی سودی لێ وەربگرن دیسان بە بێدەنگی تورکیا ، ئیسڕایل کۆنترۆلی خۆی بە سەر خواڕوی سوریا کە دەکاتە
سوەیداو تا نزیک دیمەشق سەپاند . دە ئیسرایلیش ئەمەریکاشی لە گەڵ ، گلۆپی سەوزیان
بۆ تورک و جۆلانی و داعشە نھێنیەکانیان پێ کرد بۆ لێدان لە کورد . دە بڕوا بکەن
تورکیا ھەمدیسان بەشدارە لە ژێراوژێرەکانی بۆ ڕوخانی ڕژێمی تاران .
ھەر ئەوەندە نا دە بڕوا بکە تەواوی ولاتانی کەنداو
و داعشە ئاشکەراو نھێنیەکانیش ھەر ھەمووانیان یەکانگیرن ھەم بۆ پڕۆژەی داودی ھەم چەپەر
گرتن لە دژی ئێران و عیراقی شیعەو کوردیش لە گەڵی . دە بە من بڵێن لە کوێندەرێی پڕۆژەی
لەو بابەتەوە شوێن بۆ کورد کراوە . نوسەرەکانی ڕۆژنامەی ھاوڵاتیش قسەی ئەوەل و ئاخیریان
ئەوەیە کە سبەی دوسبەی ئێران دەڕوخێ . بە نھێنی و ئاشکەراش چین و ڕووسیا دەڵێن بەڕووخانی
ئێران دەکاتە ئەوەی کە ئەمەریکا کەلەگایی بە سەر ئێمەشەوە بکات کەواتە شتی وا ھەرگیز
قبوڵ نیە .